నిహారిక పెళ్లి తరువాత బిగ్ పార్టీ ప్లాన్.. ఒక్క కారణంతో మొత్తం చెడిపోయింది!

ఇప్పుడు మాత్రం వేడుకలు కనిపించవు.

కరోనా వైరస్ కారణంగా ఈ న్యూ ఇయర్ కాస్త ఇబ్బందిగానే సెలబ్రేట్ చేసుకోవాల్సి వస్తోంది. ముఖ్యంగా స్టార్స్ అయితే ఎన్నో ప్లాన్స్ వేసుకున్నారు. అందులో మెగా ఫ్యామిలీ ఒకటి. ఇటీవల నిహారిక పెళ్లిలో మెగా ఫ్యామిలీ మొత్తం ఏ రేంజ్ లో ఎంజాయ్ చేసిందో స్పెషల్ గా చెప్పనవసరం లేదు. అయితే ఇప్పుడు మాత్రం అలాంటి వేడుకలు కనిపించవు.

నిహారిక పెళ్లి తరువాత..

న్యూ ఇయర్ కోసం ఈ సారి మెగా ఫ్యామిలీలో రామ్ చరణ్ కపుల్స్ అందరికి మరొక పార్టీ ఇవ్వాలని అనుకున్నారట. నిహారిక పెళ్లి కోసమని ఉదయ్ పూర్ కు దాదాపు 100మంది కుటుంబ సభ్యులతో కలిసి వెల్లిన మెగా కుటుంబ సభ్యులు కరోనా వైరస్ ను దాటి పెళ్లికి ఎలాంటి ఆటంకం జరగకుండా జాగ్రత్త పడ్డారు. ఇక ఆ వేడుక తరువాత మరో వేడుక కోసం బాగానే ప్లాన్ చేసుకున్నారట.

రామ్ చరణ్ కు పాజిటివ్ అని తేలడంతో..

ఇక దాదాపు కరోనా ఎండ్ అవుతోంది అనుకున్న సమయంలో మళ్ళీ వైరస్ కొత్త తరహా పంజా విసురుతోంది. ఇటీవల రామ్ చరణ్ కోవిడ్ టెస్ట్ చేయించుకోగా పాజిటివ్ అని తేలింది. దీంతో ఒక్కసారిగా మెగా ఫ్యామిలీ మధ్య దూరం పెరిగింది. అందరూ టెస్టులు చేయించుకున్నారు. ఈ దూరం వల్ల వారి న్యూ ఇయర్ ప్లాన్స్ మొత్తం తారుమరయ్యాయి.

ప్లాన్ మొత్తం చెడిపోయింది

ఇక మరో మెగా హీరో వరుణ్ తేజ్ కూడా రీసెంట్ గా కరోనా భారిన పడటం అందరిని షాక్ కు గురి చేసింది. ఎంతగానో జాగ్రత్తగా ఉంటూ నిత్యం ఆరోగ్యకరమైన ఫుడ్ తీసుకుంటు వర్కౌట్స్ చేసే హీరోలకు కూడా కరోనా వస్తోంది అంటే పరిస్థితి ఎలా ఉందో అర్థం చేసుకోవచ్చు. ఇక మెగా ఫ్యామిలీ ఈ సారి ఎంతో గ్రాండ్ గా 2021కు వెల్కమ్ చెప్పుకోవాలని పార్టీ ప్లాన్ చేసుకోగా ఒక్కసారిగా ప్లాన్ మొత్తం చెడిపోయింది.