Waltair Veerayya మెగా ఫెస్టివల్.. విజయోత్సవ వేడుక కోసం రాబోతున్న మెగా తనయుడు

మెగాస్టార్ చిరంజీవి నటించిన వాల్తేరు వీరయ్య సినిమా బాక్సాఫీస్ వద్ద ఊహించని స్థాయిలో బ్లాక్ బాస్టర్ కలెక్షన్ సొంతం చేసుకుంది. ఈ సంక్రాంతికి వచ్చిన సినిమాలలో అత్యధిక ప్రాఫిట్స్ అందించిన సినిమా గా నెంబర్ వన్ స్థానంలో నిలిచింది అని చెప్పవచ్చు. మైత్రి మూవీ మేకర్స్ నిర్మించిన ఈ సినిమాకు బాబీ దర్శకత్వం వహించాడు. ఇక ఇందులో రవితేజ నటించిన ఒక ముఖ్యమైన పాత్ర కూడా సినిమాకు చాలా బాగా ప్లస్ అయింది.

అంతేకాకుండా బ్యూటిఫుల్ హీరోయిన్ శృతిహాసన్ కూడా ఈ సినిమాలో మంచి పాత్రలో నటించే ప్రయత్నం చేసింది. ఇక మెగాస్టార్ చిరంజీవి కామెడీ టైమింగ్ యాక్షన్ సన్నివేశాలు అలాగే దేవిశ్రీప్రసాద్ అందించిన సంగీతం కూడా ఈ సినిమా విజయానికి కారణమయ్యాయి. ఇక ఈ సినిమాకు సంబంధించిన సక్సెస్ ఈవెంట్ భారీ స్థాయిలోనే నిర్వహించడానికి చిత్ర యూనిట్ సభ్యులు వేదికను సిద్ధం చేసుకున్నారు. జనవరి 28న హన్మకొండలో సక్సెస్ సెలబ్రేషన్స్ నిర్వహించనున్నట్టు చిత్రబృందం ఇదివరకే తెలియజేసింది.

తాజాగా ఈ వేడుకకు మెగా పవర్ స్టార్ రామ్ చరణ్ హాజరవుతున్నట్లు ఈ రోజు అధికారికంగా క్లారిటీ ఇచ్చారు. తండ్రీకొడుకులను ఒకే ఫ్రేమ్‌ లో చూడాలని ఆసక్తిగా ఉన్న మెగా అభిమానులకు ఈ వార్త విపరీతమైన ఆనందాన్ని ఇచ్చింది. ఇక బాక్సాఫీస్ వద్ద వాల్తేరు వీరయ్య సినిమా ఇప్పటికీ 250 కోట్లకు పైగా గ్రాస్ కలెక్షన్స్ అందుకోవడానికి సిద్ధమయింది ఇక బాక్స్ ఆఫీస్ వద్ద ఈ సినిమా 100 కోట్లకు పైగా షేర్ కలెక్షన్స్ అందుకోవడం విశేషం ఇటీవల కాలంలో అత్యధిక స్థాయిలో ప్రాఫిట్స్ అందించిన సినిమాల్లో వాల్తేరు వీరయ్య ఒకటిగా నిలిచింది ఇక ఈ సినిమా తర్వాత మెగాస్టార్ చిరంజీవి భోలశంకర్ సినిమాతో బిజీ కానున్న విషయం తెలిసిందే. అలాగే వెంకయ్య కొడుకుల దర్శకత్వంలో కూడా మెగాస్టార్ ఒక సినిమా చేయడానికి ఒప్పుకున్నాడు దానయ్య నిర్మాతగా ఆ సినిమాను త్వరలోనే ప్రారంభించబోతున్నారు.