టీఎన్ఆర్ కుటుంబానికి అండగా టాలీవుడ్.. మెగాస్టార్ చిరు, సంపూల ఆర్థిక సాయం!

అండగా ఉంటాం

టీఎన్ఆర్ కుటుంబానికి చిరంజీవి అండగా నిలిచారు. టాలీవుడ్ ఇండస్ట్రీ మొత్తానికి పెద్దదిక్కుగా ఉన్న చిరంజీవి లక్ష రూపాయలు తక్షణ ఖర్చులు నిమిత్తం కుటుంబానికి అందజేశారు. చిరంజీవి తరపున ఆ కుటుంబాన్ని పరామర్శించడానికి ప్రముఖ జర్నలిస్టు సంతోషం సురేష్ వెళ్లారు. ఈ సందర్భంగా చిరంజీవి అందజేసిన నగదును టిఎన్ఆర్ భార్యకు ఆయన అందజేశారు. ఈ సందర్భంగా చిరంజీవి టిఎన్ఆర్ భార్య జ్యోతితో కూడా మాట్లాడినట్లు సమాచారం.

చిరంజీవి స్ఫూర్తితో

మెగాస్టార్ చిరంజీవి అంటే అభిమానంతో సినిమా రంగానికి వచ్చిన టీఎన్ఆర్, తనదైన మార్గంలో దర్శకత్వం చేయడానికి ప్రయత్నాలు చేశారు. ఇక జర్నలిస్ట్ గా మారిన ఆయన అనేక ఇంటర్వ్యూలు చేస్తూ ఫేమస్ అయ్యారు. ఇక టీఎన్ఆర్ మరణవార్త తెలిసిన మెగాస్టార్ చిరంజీవి తన దిగ్భ్రాంతిని వ్యక్తం చేశారు. మే 11 సాయంత్రం టీఎన్ఆర్ భార్యాపిల్లలకు ఫోన్ చేసి పరామర్శించారు. దాంతోపాటు లక్ష రూపాయల తక్షణ ఖర్చుల కోసం సాయం అందజేశారు.

ఎంతో మందికి స్ఫూర్తిదాయకం

టీఎన్ఆర్ చేసిన చాలా ఇంటర్వ్యూలు తాను చూశానని ఆయన ఇంటర్వ్యూ చేసే విధానం తనను ఎంతగానో ఆకట్టుకునేది అని చిరంజీవి టీఎన్ఆర్ భార్యతో మాట్లాడుతూ గుర్తు చేసుకున్నారు. పట్టుదలతో జీవితంలో ఒక స్థాయికి ఎదిగిన ఆయన ఎంతో మందికి స్ఫూర్తిదాయకంగా నిలుస్తారని ఆయన ఆత్మకు శాంతి చేకూరాలని ఆ భగవంతుడిని ప్రార్ధిస్తున్నాను అని చిరంజీవి పేర్కొన్నారు. కుటుంబానికి ఎలాంటి అవసరం వచ్చినా అండగా తామందరం ఉంటామని చిరంజీవి హామీ ఇచ్చారు.

200 ఇంటర్వ్యూ మీతోనే చేయాలని

ఇక టీఎన్ఆర్ భార్య చిరంజీవితో మాట్లాడుతూ టీఎన్ఆర్ కు మీరంటే ఎనలేని అభిమానం అని 200 ఇంటర్వ్యూ మీతోనే చేయాలని ఎప్పటి నుంచో కలలుగనే వారని ఆమె పేర్కొన్నారు. మీరు ఫోన్ చేస్తారని, ఇలా సహాయం చేస్తారని భావించలేదని టీఎన్ఆర్ భార్య భావోద్వేగానికి గురయ్యారు. ఇక మరో పక్క నటుడు సంపూర్ణేష్ బాబు సైతం ఆయన కుటుంబానికి ఆర్థిక సాయం అందించారు.

Recommended Video

Popular Telugu YouTube Host #TNR Lost Life | Filmibeat Telugu

సంపూర్నేష్ సైతం

''తెలుగు సినిమా జర్నలిస్టు టీఎన్ఆర్ గారి కుటుంబానికి నా వంతుగా రూ.50,000 వారి భార్య అకౌంట్ లో డిపాజిట్ చేయడం జరిగింది. వారి ఇంటర్వ్యూ ద్వారా నేను వ్యక్తిగతంగా, కెరీర్ పరంగా ఒక మెట్టు ఎదిగాను. వారి కుటుంబానికి ఎప్పుడు ఏ అవసరం ఉన్న, నా వంతు సహాయం తప్పక చేయగలను. మీరు కూడా వారి కుటుంబానికి సపోర్ట్ చెయ్యండి. ఈ కష్టకాలంలో మనిషికి మనిషికి తోడుండాలి'' అని ఆయన పేర్కొన్నారు. ఇక సోషల్ మీడియాలో నెటిజన్లు సైతం టీఎన్ఆర్ భార్య అకౌంట్ నెంబర్ ఒకరికొకరు షేర్ చేసుకుంటూ తమ అభిమాన ఇంటర్వ్యూయర్ కుటుంబానికి అండగా నిలవాలని కోరుతూ పెద్ద ఎత్తున డిపాజిట్ చేస్తున్నారు.