For Quick Alerts
    ALLOW NOTIFICATIONS  
    For Daily Alerts

    షాకింగ్ లుక్‌లో నాగ శౌర్య.. జిమ్‌లో తెగ కష్టపడుతున్న హీరో

    |

    'ఊహలు గుసగుసలాడే' చిత్రంతో హీరోగా ఎంట్రీ ఇచ్చిన నాగశౌర్య.. ఆ తరవాత అన్నీ ప్రేమకథలు, కుటుంబ కథాచిత్రాలే చేస్తూ వచ్చాడు. మధ్యలో 'కణం'లాంటి భిన్న సినిమాను చేసినా అంత ఆదరణకు నోచుకోలేదు. ప్రస్తుతం మరో విభిన్న కథాంశంతో తెరకెక్కుతోన్న ఓ చిత్రంలో నటిస్తున్నాడు. సొంత బ్యానర్ ఐరా క్రియేషన్స్‌లో ఛలో వంటి హిట్ సినిమా రాగా.. మరోసారి ప్రేక్షకులను అలరించేందుకు 'అశ్వథ్థామ' అంటూ రాబోతోన్నాడు.

    ఇటీవలే ఈ మూవీ నుంచి కాన్సెప్ట్ మోషన్ పోస్టర్‌ను విడుదల చేసింది చిత్రయూనిట్. ఈ పోస్టర్‌లో నాగశౌర్య లుక్‌కి మంచి మార్కులు పడ్డాయి. అదేదో క్రైమ్ థ్రిల్లర్‌ను తలపించేలా కిడ్నాప్, చేజింగ్‌లాంటి సీన్లతో బాగానే హైప్ క్రియేట్ చేసింది. అయితే అదలా ఉంటే, తాజాగా నాగశౌర్య ట్విట్టర్‌లో పెట్టిన ఒక ఫొటో సినిమాపై అంచనాలను బాగా పెంచేస్తోంది. ఈ ఫొటోలో నాగశౌర్య కండలు తిరిగిన బాడీతో రాంబోలా కనిపిస్తున్నాడు.

     Naga Shaurya Rambo Look For Aswathama Goes Viral

    ఇప్పటి వరకు చాక్లెట్ బోయ్‌లా కనిపించిన నాగశౌర్య మొదటిసారి ఇలాంటి లుక్‌లో కనపడి అందర్నీ ఆశ్చర్యపరుస్తున్నాడు. జిమ్‌లో కసరత్తులు చేసేటప్పుడు తీసిన ఈ ఫొటోను ట్వీట్‌ చేసిన నాగశౌర్య.. 'ఏది రైటో అదే చేయండి, ఈజీగా ఉండేది కాదు'అంటూ శరీరాన్ని జాగ్రత్తగా చూసుకోండి, మిమ్మల్ని మీరు గౌరవించుకోండి, ఆరోగ్యంగా ఉండండి, వర్కౌట్లు చేయండి అంటూ హ్యాష్ ట్యాగ్‌లు పెట్టాడు.

    ప్రస్తుతం నాగ శౌర్యకు సంబంధించిన ఈ పిక్ సోషల్ మీడియాలో హల్ చల్ చేస్తోంది. ఈ సినిమాలో మెహ్రీన్ హీరోయిన్‌గా నటిస్తోంది. ఈ చిత్రం ద్వారా రమణ తేజ దర్శకుడిగా పరిచయమవుతున్నాడు. పోసాని కృష్ణముర‌ళి, స‌త్య, విజ‌య‌ ప్రకాష్‌, కిషోర్‌, ఎం.ఎస్‌. భాస్కర్ త‌దిత‌రులు న‌టిస్తోన్న ఈ చిత్రానికి శ్రీచరణ్ పాకాల సంగీతం అందిస్తున్నాడు.

    English summary
    Naga Shaurya Rambo Look For Aswathama Goes Viral. Ira Creations proudly presents Aswathama Movie. Aswathama motion poster Goes Viral. Aswathama Telugu movie features. NagaShaurya And MehreenPirzada in lead roles, Directed by Ramana Teja, Produced by Usha Mulpuri and presented by Shankar Prasad Mulpuri.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X