చరణ్ మరదలి ఎంగేజ్మెంట్ కి నమ్రతా, చిరు చిన్నకూతురు.. లేడీ బాస్ ట్రైబ్ అంతా ఒక్కచోటే!

అనుష్పల కూడా బిజీనే

అపోలో హాస్పిటల్స్ లో కీలక బాధ్యతలు నిర్వర్తిస్తున్న ఉపాసన చాలా బిజీ బిజీగా గడుపుతున్న సంగతి తెలిసిందే. అయితే జనానికి పెద్దగా తెలియక పోయినా సరే ఆమె సోదరి అనుష్పల కూడా అంతే బిజీ బిజీగా అపోలో హాస్పిటల్స్ వ్యవహారాలు చూసుకుంటూ ఉంటారు. అయితే ఆమె చెన్నైకి చెందిన కార్ రేసర్ తో ప్రేమలో పడడంతో పెద్దలు ఒప్పుకుని వారికి వివాహం చేస్తున్నారు.

అతి కొద్ది మందితో

అయితే ఇప్పుడు కరోనా కారణంగా చాలా తక్కువ మందిని ఈ ఈవెంట్ కి ఇన్వైట్ చేశారు. అయితే ఆ ఇన్వైట్ చేసిన వారిలో మహేష్ బాబు భార్య ఒకప్పటి హీరోయిన్ నమ్రత శిరోద్కర్ కూడా ఉండడం ఆసక్తికరంగా మారింది. అయితే నిన్న ఈవెంట్ కు హాజరయిన ఆమె సరిగ్గా ఈవెంట్ జరిగిన కొద్ది సేపటికి తన సోషల్ మీడియా వేదికగా ఈ విషయాన్ని షేర్ చేసుకున్నారు.

లేడీ బాస్ ట్రైబ్

ఈ ఎంగేజ్మెంట్ కి హాజరయిన అందరినీ పేరుపేరునా టాగ్ చేస్తూ బాస్ లేడీ ట్రైబ్ అంతా ఒకచోట చేరాము అంటూ కామెంట్ చేశారు. ఇక ఆసక్తికరమైన అంశం ఏమిటంటే ఈ ఈవెంట్ కి చిరంజీవి చిన్న కుమార్తె శ్రీజ, ఉపాసన మరదలు శ్రియా భూపాల్, ఇతర కొద్ది మంది హాజరయ్యారు.

శ్రియా భూపాల్ భర్తకి క్లోజ్ ఫ్రెండ్

శ్రియా భూపాల్ భర్త, ఉపాసన పిన్ని సంగీతా రెడ్డి కుమారుడు ఆనందిత్ రెడ్డికి అర్మాన్ ఇబ్రహీం మంచి స్నేహితుడు. ఇద్దరూ కార్ రేసర్లు కావడం గమనార్హం. మాజీ ఇండియన్‌ ఎఫ్‌ 3 ఛాంపియన్‌ అక్బర్‌ ఇబ్రహీం తనయుడే అర్మాన్ ఇబ్రహీం.

కార్‌ రేసర్‌గా

ఇక అర్మాన్ ఇబ్రహీం కార్‌ రేసర్‌గా గుర్తింపు తెచ్చుకున్నాడు. అనుష్పల విషయానికొస్తే.. అపోలో గ్రూప్‌ చైర్మన్‌ ప్రతాప్‌ రెడ్డి, దోమకొండ కోటకు చెందిన ఉమాపతి రావుల మనవరాలు, ఉపాసన సోదరి, శోభన- అనిల్‌ కామినేనిల కూతురన్న సంగతి తెలిసిందే.