Don't Miss!
- Finance Gold Rate: పిచ్చెక్కిస్తున్న పసిడి ధరలు.. నేడు మళ్లీ పెరుగుదల.. రూ.4,900 అప్..
- Sports ధోనీకి కోపం వచ్చింది.. భయపడిన కెమెరామెన్ Video
- News కేసీఆర్ తో టచ్ లో ఉన్న కాంగ్రెస్ ముఖ్యులెవరు..!!
- Lifestyle పుచ్చకాయ జ్యూస్ లో ఈ ఒక్కటి కలిపి తాగితే చాలు వేసవి ఆరోగ్య సమస్యలు బలాదూర్..మీ శరీరానికి శాంతం..ఉపశమనం
- Automobiles ట్రాఫిక్లో ఉన్నప్పుడు ఈ పొరపాట్లు చేశారో.. ప్రమాదాన్ని కొని తెచ్చుకున్నట్లే.!!
- Technology Nokia 225 4G 2024 మోడల్ ధర, స్పెసిఫికేషన్లు మరియు డిజైన్ లీక్! వివరాలు
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
మరో ఫొటో వచ్చేసింది.. స్టైలిష్ లుక్లో బాలకృష్ణ.. బయటికొచ్చిన ఇంట్రెస్టింగ్ న్యూస్
'జై సింహా' వంటి సినిమాను అందించిన కేఎస్ రవికుమార్తో బాలయ్య మరోసారి జట్టుకట్టారు. ఈ సినిమాను ప్రముఖ నిర్మాత సీ కల్యాణ్ తెరకెక్కిస్తున్నారు. దీనికి సంబంధించిన పూజా కార్యక్రమాలు కూడా ఎప్పుడో పూర్తయ్యాయి. కానీ, షూటింగ్ మాత్రం ఇటీవల థాయ్లాండ్లో ప్రారంభమైంది. భారీ షెడ్యూల్లో కీలక నటీనటులపై సన్నివేశాలు చిత్రీకరించనున్నారు. ఇందులో బాలయ్య సరసన సోనాల్ చౌహాన్, వేదిక నటిస్తుండగా, భూమిక, జయసుధ కీలక పాత్రలు చేస్తున్నారు. హిట్ కాంబినేషన్ కావడంతో దీనిపై అంచనాలు భారీగానే ఉన్నాయి.
ఈ సినిమాలో బాలకృష్ణ రెండు షేడ్స్లో కనిపించబోతున్నాడని వార్తలు వస్తున్నాయి. అందులో ఒకటి పోలీస్ ఆఫీసర్ పాత్ర కాగా, మరొకటి గ్యాంగ్స్టర్ క్యారెక్టర్. సిన్సియర్ పోలీస్ ఆఫీసర్ గ్యాంగ్స్టర్గా ఎలా మారాడు అనేదే సినిమా కథ అని ఫిలింనగర్లో ఓ న్యూస్ హల్చల్ చేస్తోంది. సోమవారం బాలయ్య లుక్కు సంబంధించిన పిక్ ఒకటి బయటకు వచ్చిన విషయం తెలిసిందే.
తాజాగా ఈ సినిమాకు సంబంధించిన మరో పిక్ బయటకు వచ్చింది. ఈ ఫొటో లీక్ అయింది కాదు.. నందమూరి బాలకృష్ణే స్వయంగా విడుదల చేశారు. తన ఫేస్బుక్ ఖాతాలో ఈ పిక్ను షేర్ చేసిన బాలయ్య.. 'కేఎస్ రవికుమార్ దర్శకత్వంలో తెరకెక్కుతున్న నా 105వ సినిమాలోని లుక్ ఇది' అని పేర్కొన్నాడు. ఇందులో బాలయ్య స్లిమ్గా స్టైలిష్ లుక్లో కనిపిస్తున్నాడు. ఈ సినిమాలో బాలయ్య చేసే పాత్రల్లో ఒకటి కొరియన్ సిటిజన్కు సంబంధించినది అని ఓ వార్త బయటకు వచ్చింది. అందుకే సినిమాను విదేశాల్లో చిత్రీకరిస్తున్నారని తెలుస్తోంది.
ఈ సినిమా టైటిల్ విషయంలోనూ పలు పేర్లు తెరపైకి వచ్చాయి. దీనికి 'రూలర్' టైటిల్ పెడుతున్నారని మొదట ప్రచారం జరిగినప్పటికీ, ఈ మధ్య మరో పేరు బయటకు వచ్చింది. దీని ప్రకారం ఈ సినిమాకు 'క్రాంతి' అనే టైటిల్ పెట్టబోతునట్లు తెలుస్తోంది. దీనిని త్వరలోనే అధికారికంగా ప్రకటించనున్నారట నిర్మాత కల్యాణ్.