బాలయ్య ‘రూలర్’ అక్కడ సూపర్ హిట్.. రిజల్ట్ చూసి షాక్ అవుతున్న నందమూరి ఫ్యాన్స్.!

హిట్ ఇచ్చిన ఉత్సాహంతో కలిశారు

‘జై సింహా' వంటి హిట్ తర్వాత కేఎస్ రవికుమార్ - నందమూరి బాలకృష్ణ - సీ కల్యాణ్ మరోసారి కలిశారు. వీళ్ల కలయికలోనే ‘రూలర్' మూవీ తెరకెక్కింది. ఇందులో బాలయ్య సరసన సోనాల్ చౌహాన్, వేదిక నటించగా.. భూమిక, ప్రకాశ్ రాజ్, జయసుధ, షియాజీ షిండే తదితరులు కీలక పాత్రలు పోషించారు. ఈ మూవీ గత శుక్రవారం ప్రేక్షకుల ముందుకు వచ్చింది.

రూల్ చేస్తాడనుకుంటే ఇలా అయిందేంటి?

హిట్ కాంబినేషన్ కావడంతో ఈ సినిమాపై ఓ మోస్తరు అంచనాలు ఉన్నాయి. మూడు సినిమాలతో పాటు గత శుక్రవారం విడుదలైన ‘రూలర్' మంచి టాక్‌ను తెచ్చుకున్నప్పటికీ కలెక్షన్ల పరంగా దారుణంగా విఫలమైంది. దీంతో బాలయ్య ఖాతాలో మరో ఫ్లాప్ వచ్చి చేరింది. ఈ ఏడాది ప్రారంభంలో వచ్చిన వాటితో కలిపి పరాజయాల హ్యాట్రిక్ నమోదైంది.

వాటికి మాత్రం మంచి స్పందన

ఈ సినిమాలో బాలకృష్ణ డైలాగులు, డ్యాన్సులకు మాత్రం మంచి స్పందన వస్తోంది. అలాగే, కార్పొరేట్ స్టైల్‌లో ఉన్న బాలయ్య గెటప్‌ను కూడా తెలుగు ప్రేక్షకులు మెచ్చుకుంటున్నారు. అయితే, పాత కథ, కథనానికి తోడు రొటీన్ కమర్షియల్ ఎలిమెంట్స్ ఉండడం విమర్శలు వెల్లువెత్తుతున్నాయి. అలాగే, బాలయ్య రెండో గెటప్‌ను ట్రోల్ చేస్తున్నారు.

అక్కడ మాత్రం సూపర్ హిట్

‘రూలర్' ఓవరాల్‌గా డిజాస్టర్‌గా నిలిచినట్లేనన్న టాక్ వినిపిస్తోంది. ఈ నేపథ్యంలో సినిమాకు సంబంధించిన ఆసక్తికరమైన చర్చ తెరపైకి వచ్చింది. ఈ సినిమా ప్రముఖ టికెట్ బుకింగ్ వెబ్‌సైట్ బుక్ మై షోలో మంచి రేటింగ్ సంపాదించింది. మొదటి రోజు 90 శాతం ఓట్లను సంపాదించిన ఈ సినిమా.. ప్రస్తుతం 77 శాతం రేటింగుతో కొనసాగుతోంది. దీంతో ఫ్యాన్స్ షాక్ అవుతున్నారు.