Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
నందమూరి హీరో సర్ప్రైజ్.. ఎంత మంచివాడవురా!
హీరోగా సినిమాలు చేస్తూనే నిర్మాతగా రాణిస్తూ వస్తున్నారు నందమూరి కళ్యాణ్ రామ్. ఇటీవలే 118 అనే డిఫెరెంట్ కాన్సెప్ట్ మూవీతో అలరించిన కళ్యాణ్ రామ్.. ఇప్పుడు ఎంత మంచివాడవురా! అంటూ ప్రేక్షకుల ముందుకు రాబోతున్నాడు. ఈ రోజు (జులై 5) నందమూరి కళ్యాణ్ రామ్ పుట్టినరోజు కానుకగా అభిమానులను సర్ప్రైజ్ చేస్తూ ఎంత మంచివాడవురా! అనే టైటిల్ పోస్టర్, వీడియో విడుదల చేశారు.
విభిన్న కతాంశాలను ఎంచుకుంటూ కెరీర్ కొనసాగిస్తున్న కళ్యాణ్ రామ్.. ప్రస్తుతం సతీష్ వేగేశ్న దర్శకత్వంలో ఓ డిఫెరెంట్ మూవీ చేస్తున్నారు. తాజాగా ఈ చిత్రానికి ఎంత మంచివాడవురా! అనే టైటిల్ ఫిక్స్ చేశారు. ఉమేష్ గుప్త సమర్పిస్తున్న ఈ సినిమాలో కళ్యాణ్ రామ్ సరసన మెహ్రీన్ హీరోయిన్ గా నటిస్తోంది. కళ్యాణ్ రామ్ కెరీర్ లో ఇది 17 వ సినిమా. ఇటీవలే ప్రారంభమైన ఈ చిత్ర షూటింగ్ ప్రస్తుతం శరవేగంగా జరుగుతోంది. చిత్రానికి గోపిసుందర్ సంగీతం బాణీలు కడుతున్నారు.
ఎంత మంచివాడవురా! అనే సాఫ్ట్ టైటిల్తో పాటు టైటిల్ లోగో వీడియో కూడా విడుదల చేసిన చిత్రయూనిట్.. ఈ వీడియోలో కళ్యాణ్ రామ్ లుక్ని రివీల్ చేయకుండా వెనుక నుంచే చూపించడం గమనార్హం. ఎంత మంచివాడవురా! అనే పాట రేడియో వినిపిస్తుండగా, కళ్యాణ్ రామ్ సైకిల్ పై వెళుతున్న సన్నివేశంతో టైటిల్ లోగో వీడియో విడుదలైంది. టైటిల్ ని బట్టి చూస్తే ఈ సినిమాలో కళ్యాణ్ రామ్ క్యారెక్టర్ ఎంతో సాఫ్ట్ గా ఉంటుందని తెలుస్తోంది. గత చిత్రాల పరంగా చూస్తే ఇటు కళ్యాణ్ రామ్కి, అటు సతీష్ వేగేశ్నకు ఈ సినిమా ఎంతో ఇంపార్టెంట్ మూవీ. ఇక ఈ సినిమా షూటింగ్ జరుగుతుండగానే.. 'రావణ' మరో సినిమాకు కమిటయ్యారు కళ్యాణ్ రామ్. ఏక కాలంలో ఈ రెండు చిత్రాల షూటింగ్ లో పాల్గొననున్నారట కళ్యాణ్ రామ్.