Don't Miss!
- Finance Sensex News: 1000 పాయింట్లు పెరిగిన సెన్సెక్స్.. దలాల్స్ట్రీట్ దున్నేస్తున్న బుల్స్..
- News ఏపీలో విపక్షాల ఫిర్యాదుల వేళ ఈసీ కీలక నిర్ణయం..! ఢిల్లీ నుంచి ఆ ముగ్గురు..
- Sports క్లాసెన్కు కావ్య మారన్ స్పెషల్ గిఫ్ట్!
- Automobiles హ్యుందాయ్ కస్టమర్లకు అదిరిపోయే న్యూస్.. వేసవిలో ప్రత్యేకంగా సర్వీస్ క్యాంప్.. ఎప్పటివరకు అంటే.??
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
- Lifestyle నోరూరించే పచ్చి మామిడికాయ గొజ్జు మామిడికాయ కర్రీ వేడివేడి అన్నంతో తింటుంటే ఆహా అనాల్సిందే..
- Technology ఆపిల్ వరల్డ్ వైడ్ డెవలపర్ కాన్ఫరెన్స్ 2024 తేదీ వెల్లడి.. iOS 18, GenAI పై కీలక ప్రకటనలకు అవకాశం..!
నాని టక్ జగదీశ్ షూటింగ్ స్టార్ట్: పూర్తి వివరాలివే..
నాని-శివ నిర్వాణ సక్సెస్ఫుల్ కాంబినేషన్లో కొత్త సినిమా 'టక్ జగదీశ్'. ఓ డిఫరెంట్ కాన్సెప్ట్ తో రూపొందుతున్న ఈ సినిమాకు ఇలా డిఫరెంట్ టైటిల్ ఫిక్స్ చేసి ప్రేక్షకుల్లో ఆసక్తి రేకెత్తించారు. షూటింగ్ ప్రారంభించక ముందే ఈ టైటిల్తో కూడిన పోస్టర్స్ రిలీజ్ చేసి సినిమాపై అంచనాలు క్రియేట్ చేశారు. నాని కెరీర్లో 26వ సినిమాగా ఈ మూవీ ప్రేక్షకుల ముందుకు రాబోతోంది.
కాగా తాజాగా ఈ రోజు (జనవరి 30) ఈ 'టక్ జగదీశ్' మూవీ పూజా కార్యక్రమాలు నిర్వహించి సెట్స్ మీదకు వచ్చేసింది చిత్రయూనిట్. ఈ పూజా కార్యక్రమంలో హీరో నాని, డైరెక్టర్ శివ నిర్వాణ సహా దిల్ రాజు తదితరులు పాల్గొన్నారు. తొలి షాట్కి దిల్ రాజు క్లాప్ కొట్టగా, నవీన్ యెర్నేని కెమెరా స్విచ్ ఆన్ చేశారు. ఫిబ్రవరి 11 నుంచి రెగ్యులర్ షూట్ మొదలుపెట్టి ఈ మూవీ షూటింగ్ శరవేగంగా ఫినిష్ చేస్తామని అంటోది చిత్రయూనిట్.
గతంలో ఇదే నాని-శివ నిర్వాణ కాంబినేషన్ 'నిన్నుకోరి' సినిమాతో ప్రేక్షకుల మెప్పు పొందింది. అదేబాటలో మళ్ళీ రెండో సినిమాతో పలకరించేందుకు రెడీ అవుతోంది. ఈ సినిమా కోసం శివ నిర్వాణ ఓ ఆసక్తికరమైన స్క్రిప్ట్ రెడీ చేసుకున్నారట. ఈ నేపథ్యంలోనే తన స్క్రిప్ట్కి యాప్ట్ అయ్యేలా 'టక్ జగదీశ్' అనే టైటిల్ ఫిక్స్ చేశారట శివ.
షైన్ స్క్రీన్స్ బ్యానర్పై సాహు గారపాటి, హరీష్ పెద్ది నిర్మాణంలో తెరకెక్కనున్న ఈ సినిమాలో నాని సరసన రీతూ వర్మ, ఐశ్వర్య రాజేష్ హీరోయిన్లుగా నటించనున్నారు. థమన్ సంగీతం సమకూర్చనున్నారు.