హోమ్

లేటేస్ట్ న్యూస్

నేచురల్ స్టార్ నాని నటిస్తున్న మొదటి పాన్ ఇండియా మూవీ దసరా సినిమాపై అంచనాలు భారీ స్థాయిలో నెలకొన్న విషయం తెలిసిందే. ఈ ప్రాజెక్టు కోసం నాని చాలానే హార్డ్ వర్క్ చేస్తున్నట్లుగా తెలుస్తోంది. మొదటిసారి తెలంగాణ యాసలో నాని ప్రేక్షకులకు సరికొత్తగా అలరించచబోతున్నాడు. గోదావరిఖని సింగరేణి కోలార్ మైన్ బ్యాక్ డ్రాప్ లో తెరపైకి వస్తున్న ఈ సినిమా లో కీర్తి సురేష్ హీరోయిన్ గా నటిస్తోంది.

కొత్త దర్శకుడు శ్రీకాంత్ ఓదెల ఎంతో ప్రతిష్టాత్మకంగా డైరెక్ట్ చేస్తున్న ఈ సినిమా తప్పకుండా బాక్సాఫీస్ వద్ద సెన్సేషన్ క్రియేట్ చేస్తుంది అనే చిత్ర యూనిట్ సభ్యులు నమ్మకంతో ఉన్నారు. బడ్జెట్ పెరుగుతున్నప్పటికీ కూడా నిర్మాతలు ఏమాత్రంవెనకడుగు వేయడం లేదు అని తెలుస్తోంది. ఇక ఈ సినిమాకు సంబంధించిన పోస్టర్స్ ఇప్పటికే అంచనాల స్థాయిని పెంచేసాయి.

ఇక నేడు ఫ్రెండ్షిప్ డే సందర్భంగా చిత్ర యూనిట్ సభ్యులు మరొక ప్రత్యేకమైన పోస్టర్ను కూడా విడుదల చేసింది. అందులో నాని అతని స్నేహితులు అందరూ చాలా ఆనందంతో కనిపిస్తున్నారు. చూస్తుంటే ఈ సినిమా ఫుల్ మాస్ కమర్షియల్ సినిమాగా తెరపైకి రాబోతున్నట్లు తెలుస్తోంది. ఇదివరకే విడుదలైన ఫస్ట్ లుక్ టీజర్ కూడా మంచి పాజిటివ్ వైబ్రేషన్స్ క్రియేట్ చేసింది.

ఇక ఈ సినిమా షూటింగ్ పనులను వీలైనంత త్వరగా పూర్తిచేసే త్వరలోనే విడుదల తేదీ పై కూడా క్లారిటీ ఇవ్వనున్నారు. పాన్ ఇండియా ప్రాజెక్టుగా విడుదల కాబోతున్న ఈ సినిమా తెలుగు తమిళ్ మలయాళం కన్నడ హిందీ భాషల్లో భారీ స్థాయిలో విడుదల కాబోతోంది. ఇక షూటింగ్ ఫినిష్ చేసిన తర్వాత నాని కూడా అన్ని భాషల్లో రెగ్యులర్ ప్రమోషన్స్ కూడా చేయాలని అనుకుంటున్నాడు. తన కెరీర్ కు ఈ సినిమా చాలా ప్రత్యేకంగా కావడంతో నాని పక్క ప్రణాళికతో సినిమాను జనాలలోకి తీసుకురావాలని ఆలోచిస్తున్నాడు. మరి సినిమా బాక్స్ ఆఫీస్ వద్ద ఎలాంటి విజయాన్ని అందుకుంటుందో చూడాలి.