గుమ్మడి కాయ కొట్టారు.. నాని, నాగ్ సెల్ఫీల పట్టుపట్టారు..

టాలీవుడ్ మన్మధుడు నాగార్జున, నేచురల్ స్టార్ నాని కాంబినేషన్‌లో వస్తున్న మల్టీస్టారర్ చిత్రం దేవదాసు షూటింగ్ పూర్తి చేసుకొన్నది. ఈ సందర్భంగా మంగళవారం షూటింగ్స్ స్పాట్‌లో గుమ్మడి కాయ కొట్టి సెల్ఫీలతో హంగామా చేశారు. దేవదాస్ సినిమా షూటింగ్ పూర్తయింది. థ్యాంక్యూ టీమ్ దేవదాస్. ఈ ప్రయాణం చాలా గొప్పగా ఉంది అని నాగార్జున ట్వీట్ చేశారు.

దేవదాస్ చిత్రంలో నాగార్జున దేవగా మాఫియా డాన్ పాత్రలో కనిపించబోతున్నాడు. అలాగే నాని డాక్టర్ పాత్రలో నటిస్తున్నాడు. ఈ చిత్రానికి శమంతకమణి డైరెక్టర్ శ్రీరామ్ ఆదిత్య దర్శకత్వం వహిస్తున్నారు.

ఈ మల్టీస్టారర్ చిత్రాన్ని ప్రముఖ నిర్మాణ సంస్థ వైజయంతి మూవీస్ రూపొందించింది. షూటింగ్ పూర్తయిన తర్వాత దేవదాసు టైటిల్‌ను దేవదాస్‌గా మార్చినట్టు చిత్ర యూనిట్ పేర్కొన్నది.