హోమ్

లేటేస్ట్ న్యూస్

కేజీఎఫ్ లాంటి చిత్రంతో కన్నడ పరిశ్రమ పేరు దేశవ్యాప్తంగా మార్మోగిపోయింది. మరోసారి అదే రేంజ్ స్టోరీతో కన్నడ ఇండస్ట్రీ పవరేంటో చూపించేందుకు రష్మిక మందాన్న మాజీ ప్రియుడు రోహిత్ శెట్టి వచ్చేస్తున్నాడు ప్యాన్ ఇండియన్ మూవీగా ఓ చిత్రాన్ని మలచాలంటే.. కథలో దమ్ముండాలి. కథ, కథనాలు బాగుంటే సినిమాను ఆపే వారెవరూ ఉండరు. అందుకే ప్యాన్ ఇండియా చిత్రాలనగానే ఎన్నో జాగ్రత్తలు తీసుకుంటారు. కథలో కొత్తదనం ఉండేలా ప్లాన్ చేసుకుంటారు. తాజాగా అలాంటి ఓ చిత్రమే ప్రేక్షకుల ముందుకు వచ్చేందుకు రెడీ అవుతోంది.

కన్నడ హీరో రక్షిత్ శెట్టి నటిస్తోన్న అతడే శ్రీమన్నారాయణ మూవీ ట్రైలర్ కాసేపటి క్రితమే విడుదలైంది. కేజీఎఫ్ లాంటి సినిమా చాయలు కనబడుతున్న ఈ ట్రైలర్ ఆద్యంతం ఆసక్తికరంగా ఉంది. ఓ వైపు సీరియస్ టాపిక్ నడుస్తూనే.. అవుట్ అండ్ అవుట్ అండ్ ఎంటర్‌టైనర్‌గా మలిచినట్టు కనిపిస్తోంది. యాక్షన్, కామెడీ ఇలా అన్నింటిని మిక్స్ చేసినట్టు తెలుస్తోంది. ఈ మూవీ ట్రైలర్‌ను నాని రిలీజ్ చేశాడు.

ఈ మూవీ విజువల్స్ అద్భుతంగా ఉన్నాయని, అన్నింటికంటే ప్రత్యేకంగా ఉందని ఈ మూవీ ట్రైలర్‌ను విడుదల చేయడం ఎంతో సంతోషంగా ఉందని ట్వీట్ చేశాడు. ఈ చిత్రాన్ని దక్షిణాది భాషల్లోనే కాకుండా హిందీలోనూ భారీ ఎత్తున విడుదల చేయబోతోన్నట్లు ప్రకటించారు. సచిన్ దర్శకత్వం వహించిన ఈ సినిమా డిసెంబర్ 27 ప్రేక్షకుల ముందుకు రానుంది.