For Quick Alerts
ALLOW NOTIFICATIONS  
For Daily Alerts

‘వి’చిత్రమైన టైటిల్‌తో నాని 25వ చిత్రం ప్రారంభం, ప్రత్యేకతలు ఇవే..

|

'జెర్సీ'తో భారీ విజయాన్ని తన ఖాతాలో వేసుకున్న నేచురల్ స్టార్ నాని తన కెరీర్లో ల్యాండ్ మార్క్ మూవీకి సిద్ధమయ్యాడు. ఆయన నటించబోయే 25వ చిత్రం ప్రారంభోత్సవం సోమవారం హైదరాబాద్‌లో పూజా కార్యక్రమాలతో లాంచనంగా జరిగింది. మోహనకృష్ణ ఇంద్రగంటి దర్శకత్వం వహించబోయే ఈ చిత్రాన్ని దిల్ రాజు నిర్మించబోతున్నారు.

నాని మొదటి సినిమా 'అష్టాచమ్మా'కు మోహనకృష్ణ ఇంద్రగంటి దర్శకత్వం వహించారు. ఈ దర్శకుడితోనే నాని 25వ చిత్రం చేస్తుండటం గమనార్హం. ఈ చిత్రంలో నానితో పాటు సుధీర్ బాబు కీలక పాత్ర పోషిస్తున్నాడు. నివేథా థామస్, అదితి రావు హైదరి హీరోయిన్లు.

‘వి'చిత్రమైన టైటిల్

ఈ చిత్రానికి ‘వి' అనే టైటిల్ ఖరారు చేశారు. సింగిల్ లెటర్‌తో వినడానికి ఇది కాస్త విచిత్రంగా ఉన్నప్పటికీ ఈ టైటిల్ వెనక ఆసక్తికర కథనం ఉంటుందని తెలుస్తోంది. ‘వి' పేరుతో ఆల్రెడీ అఫీషియల్ పోస్టర్లు సైతం విడుదల చేశారు. ఈ చిత్రంలో నాని విలన్ పాత్రలో కనిపించబోతున్నారట... మరి అందుకే ‘వి' టైటిల్ పెట్టారా? అనే సందేహాలు వ్యక్తం అవుతున్నాయి.

ఇది విభిన్నంగా ఉంటుందన్న నాని

‘ఆయన నన్ను హీరోగా పరిచయం చేసి మొదటి సినిమా అవకాశం ఇచ్చారు. ఇపుడు నా 25వ చిత్రంతో మరోసారి పరిచయం చేస్తున్నారు. కానీ ఈ సారి పూర్తి విభిన్నంగా ఉంటుంది.'' అంటూ దర్శకుడు ఇంద్రగంటి మోహనకృష్ణ గురించి నాని ట్వీట్ చేశారు.

హిట్ చిత్రాలు అందించిన ఇంద్రగంటి

దర్శకుడు మోహన కృష్ణ ఇంద్రగంటి తనదైన శైలిలో ఫీల్ గుడ్ సినిమాలు చేయడంలో సిద్దహస్తుడు. ఆయన దర్శకత్వంలో వచ్చిన అష్టాచమ్మ, గోల్కొండ హైస్కూల్, జెంటిల్మెన్, సమ్మోహనం చిత్రాలు మంచి విజయం అందుకున్నాయి. ఈ నేపథ్యంలో నాని, సుధీర్ బాబుతో చేస్తున్న ‘వి' సినిమాపై మంచి అంచనాలు నెలకొని ఉన్నాయి.

దిల్ రాజు మూవీ కావడంతో అంచనాలు పెరిగాయి

కథలో దమ్ముంటే తప్ప దిల్ రాజు ఏ సినిమా కూడా యాక్సెప్ట్ చేయడు. ఆయన బేనర్ నుంచి వస్తున్న సినిమా కావడంతో ‘వి' చిత్రంపై అంచనాలు మరింత పెరిగాయి. శ్రీవెంకటేశ్వర క్రియేషన్స్ బేనర్లో దిల్ రాజు సమర్పణలో శిరీస్, లక్ష్మణ్, హర్షిత్ రెడ్డి ఈ చిత్రాన్ని నిర్మిస్తున్నారు. అమిత్ త్రివిది సంగీతం అందిస్తుండగా, పిజి విందా సినిమాటోగ్రఫీ హ్యాండిల్ చేస్తున్నారు.

English summary
Nani's 25th film 'V' with Mohan Krishna Indraganti lanched. V is a 2020 Indian Telugu film written and directed by Mohanakrishna Indraganti and produced by Dil Raju on Sri Venkateswara Creations featuring Nani, Sudheer Babu, Aditi Rao Hydari and Nivetha Thomas in the lead roles. The music was composed by Amit Trivedi while cinematography was handled by P. G. Vinda.
 
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more