Don't Miss!
- News barrelakka: వివాహ బంధంలోకి అడుగుపెట్టిన బర్రెలక్క
- Sports IPL 2024: అందుకే పృథ్వీ షా ఆడటం లేదు: సౌరవ్ గంగూలీ
- Lifestyle గుడ్ ఫ్రైడే 2024 ఎప్పుడు? క్రైస్తవులు గుడ్ ఫ్రైడే ఎందుకు జరుపుకుంటారు?మీకు తెలియని కొన్ని వాస్తవాలు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
పెళ్లి కొడుకు గెటప్లో షాకిచ్చిన నాని: పండుగను ముందే తీసుకొచ్చాడుగా!
స్వయంకృషితో సినిమా రంగంలోకి ప్రవేశించి.. అసిస్టెంట్ డైరెక్టర్ నుంచి స్టార్ హీరోగా ఎదిగాడు నేచురల్ స్టార్ నాని. సహజ సిద్ధమైన నటనతో ఎన్నో సినిమాలను వన్ మ్యాన్ షోగా మార్చేసిన అతడు.. తన కెరీర్లో అన్ని జోనర్లనూ టచ్ చేశాడు. గతంలో ఓ మోస్తరు బడ్జెట్తో సినిమాలు చేసిన అతడు.. మార్కెట్ను గణనీయంగా పెంచుకుని ఇటీవలి కాలంలో భారీ చిత్రాల్లోనే నటిస్తున్నాడు. అదే సమయంలో వరుసగా సినిమాలు చేస్తూ దూకుడు ప్రదర్శిస్తున్నాడు. ఇందులో భాగంగానే ప్రస్తుతం అతడు 'టక్ జగదీష్' అనే మూవీలో నటిస్తున్నాడు.
'నిన్ను కోరి' వంటి సూపర్ హిట్ సినిమా తర్వాత నాని - శివ నిర్వాణ కాంబినేషన్లో వస్తోన్న చిత్రం 'టక్ జగదీష్'. ఇప్పటికే విడుదలైన ఈ సినిమా పోస్టర్లకు విపరీతమైన స్పందన వచ్చింది. ఈ క్రమంలోనే సంక్రాంతి పండుగ సందర్భంగా ఈ సినిమా నుంచి మరో పోస్టర్ను వారం రోజుల ముందే రిలీజ్ చేశారు. ఇందులో నేచురల్ స్టార్ నానిని పెళ్లి కొడుకును చేస్తున్నారు. ఈ పోస్టర్లో జగపతిబాబు, నాజర్, రావు రమేష్, నరేష్, రోహిణి సహా ఎంతో మంది నటీనటులు కనిపిస్తున్నారు. '2021 ఏప్రిల్లో బాక్సాఫీస్ను స్టక్ చేయబోతున్నాం' అని ఇది వరకే సినిమా రిలీజ్పై యూనిట్ క్లారిటీ ఇచ్చింది. ఇందులో భాగంగానే పక్కా ఫ్యామిలీ ఎంటర్టైనర్గా రాబోతున్న ఈ చిత్రాన్ని ఏప్రిల్ 16న విడుదల చేస్తున్నట్లు ఈ పోస్టర్ ద్వారా ప్రకటించారు.
షైస్ స్క్రీన్స్ బ్యానర్పై సాహు గారపాటి, పెద్ది హరీష్ నిర్మిస్తున్న ఈ సినిమాలో టాలెంటెడ్ హీరోయిన్లు ఐశ్వర్య రాజేష్, రీతూ వర్మ నటిస్తున్నారు. నాని కెరీర్లోనే ప్రతిష్టాత్మకంగా రూపొందుతోన్న ఈ చిత్రంపై భారీ అంచనాలే ఉన్నాయి. ఇక, ఈ సినిమాతో పాటే నేచురల్ స్టార్ వివేక్ ఆత్రేయ దర్శకత్వంలో 'అంటే.. సుందరానికీ' అనే సినిమాతో పాటు 'ట్యాక్సీవాలా' ఫేమ్ రాహుల్ సాంకృత్యన్ దర్శకత్వంలో 'శ్యామ్ సింగరాయ్' అనే చిత్రాల్లో నటిస్తున్నాడు. ఇప్పటికే ఈ రెండు చిత్రాలు కూడా అధికారికంగా ప్రారంభం అయిపోయాయి.