Don't Miss!
- News ఏప్రిల్ లో అంగారక యోగం: ఈ మూడు రాశుల వారికి ఆర్థిక నష్టాలు, ఊహించని కష్టాలు
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
నాని V ఫస్ట్లుక్: నిన్న అలా.. నేడు ఇలా!! సినిమాపై అంచనాలు పెంచేస్తున్న పోస్టర్స్
నాచురల్ స్టార్ నాని హీరోగా మోహన్కృష్ణ ఇంద్రగంటి దర్శకత్వంలో రూపొందుతున్న విలక్షణ కథాంశం V. సింగల్ అక్షరంలో ఇలా ఆసక్తికర టైటిల్ ప్రకటించినప్పటి నుంచే ప్రేక్షకుల్లో ఈ సినిమాపై ఆసక్తి పెరిగింది. పైగా నాని కెరీర్లో ఇది ఓ డిఫెరెంట్ మూవీగా రానుందని వచ్చిన వార్తలు సినిమా పట్ల ఆతృతను పెంచేశాయి. కాగా తాజాగా ఈ సినిమా నుంచి నాని లుక్ రిలీజ్ చేసి ఆ ఆతృతను రెక్కలు కట్టారు మేకర్స్.
శరవేగంగా షూటింగ్.. నాని రోల్
గత కొంతకాలంగా ఈ సినిమా షూటింగ్ శరవేగంగా జరుగుతోంది. చిత్రంలో నాని, సుధీర్బాబు హీరోలుగా నటిస్తుండగా.. నివేదా థామస్, అదితిరావు హైదరి హీరోయిన్లుగా నటిస్తున్నారు. చిత్రంలో నాని రోల్ కోసం మోహన్కృష్ణ ఇంద్రగంటి ప్రత్యేక శ్రద్ద పెట్టారు. తాజాగా విడుదల చేసిన ఈ ఫస్ట్లుక్ పోస్టర్ నాని రోల్ ఎలా ఉండనుందనేది చెప్పకనే చెప్పేసింది.
మెలితిరిగిన మీసాలు.. చేతిలో కత్తెర
ఈ ఫస్ట్లుక్ పోస్టర్లో గుబురు గడ్డం, మెలితిరిగిన మీసాలతో కలిపిస్తున్న నాని చేతిలో చిన్న కత్తెర పట్టుకున్నాడు. చాలా సీరియస్గా నాని లుక్ కనిపిస్తోంది. ఈ పోస్టర్ చూస్తుంటే గతంలో ఎన్నడూ చూడని విధంగా ఈ సినిమాలో నానిని చూడొచ్చని స్పష్టంగా తెలుస్తోంది.
తప్పు జరిగితే యముడొస్తాడనేది నమ్మకం.. వీడొస్తాడనేది మాత్రం నిజం
ఇక ఈ చిత్రంలో రక్షకుడి పాత్రలో సుధీర్ బాబు నటిస్తున్నాడు. నిన్న (జనవరి 27) సుధీర్ బాబు ఫస్ట్లుక్ రివీల్ చేశారు. ఈ పోస్టర్లో గన్ పట్టుకుని టెరిఫిక్ గా ఉన్న సుధీర్ బాబు లుక్ సినిమాపై ఆసక్తి పెంచేసింది. "తప్పు జరిగితే యముడొస్తాడనేది నమ్మకం.. వీడొస్తాడనేది మాత్రం నిజం" అంటూ సుధీర్ బాబు క్యారెక్టర్ డిఫైన్ చేయగలిగే లైన్తో ఈ పోస్టర్ రిలీజ్ చేశారు.
Recommended Video
నాని 25.. భారీ అంచనాలు
నాని కెరీర్లో 25వ సినిమాగా V మార్చి 25న ప్రేక్షకుల ముందుకు రానుంది. దిల్రాజు సమర్పణలో శ్రీ వెంకటేశ్వర క్రియేషన్స్ బ్యానర్పై రూపొందిస్తున్నారు. శిరీష్,లక్ష్మణ్,హర్షిత్ నిర్మాతలుగా వ్యవహరిస్తున్నారు. చిత్రానికి ''సైరా'' ఫేమ్ అమిత్ త్రివేది సంగీతం అందిస్తున్నాడు. వైవిధ్యమైన కథాంశాలతో ముందుకెళ్తున్న నాని మొదటిసారి ఈ సినిమాలో ఫుల్ లెంగ్త్ విలన్గా కనిపించనుండటంతో సినిమాపై భారీ అంచనాలు నెలకొన్నాయి.