Don't Miss!
- News మరో ఎమ్మెల్సీ ఉపఎన్నికకు షెడ్యూల్ విడుదల: బరిలో తీన్మార్ మల్లన్న
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Sports RCB: నా గుండె బద్దలైంది- డివిలియర్స్
- Technology యూట్యూబ్కు పోటీగా TV యాప్.. ఫీచర్లు, అల్గారిథమ్ పైన X సీఈవో ఏమన్నారంటే.. ?
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బాలా మావయ్యా అదుర్స్.. రూలర్ ట్రైలర్పై నారా లోకేష్ స్పందన
నందమూరి నటసింహం బాలకృష్ణ.. వెండితెరపై తనదైన శైలిలో విజృంభించేందుకు సిద్దమవుతున్నాడు. ఎన్టీఆర్ బయోపిక్గా తెరకెక్కిన కథానాయకుడు, మహానాయకుడు సినిమాల్లో బాలకృష్ణ.. ఆయన మ్యానరిజానికి భిన్నంగా కథకు అనుగుణంగా నటించాడు. ఫ్యాన్స్కు ట్రీట్ ఇచ్చే యాక్షన్ సీక్వెన్స్, బాలయ్య స్టైల్ డైలాగ్లు అందులో ఉండవు. చివరగా జై సింహా అంటూ వచ్చి రక్తపాతం సృష్టించాడు బాలయ్య. ఇక మరోసారి ఇదే రీతిలో శత్రువులను చీల్చి చెండాడేందుకు సిద్దమయ్యాడు.
టీజర్తోనే ఈ మూవీ ఎలా ఉండబోతోందో చెప్పిన చిత్రబృందం.. తాజాగా ట్రైలర్ను రిలీజ్ చేసింది. ఈ ట్రైలర్లో బాలయ్య తన విశ్వరూపాన్ని చూపాడు. ఇది దెబ్బతిన్న సింహంరా.. అంత తేలిగ్గా చావదు.. వెంటాడి వేటాడి చంపుద్ది, ఈ ధాన్యం తింటున్న మీరే ఇంత పొగరు చూపిస్తుంటే, దీన్ని పండించిన రైతుకు ఇంకెంత పవరు, పొగరు ఉంటుందో చూపించమంటావా లాంటి డైలాగ్లతో మాస్కు పిచ్చెక్కేలా చేస్తోన్న బాలయ్య.. ఇక రూలర్తో నిజంగానే నందమూరి అభిమానులకు స్పెషల్ ట్రీట్ ఇచ్చేట్టు కనిపిస్తున్నాడు.
ఈ మూవీ ట్రైలర్పై బాలయ్య అల్లుడు నారా లోకేష్ సోషల్ మీడియా వేదికగా స్పందించాడు. 'ఈ ధాన్యం తింటున్న మీరే ఇంత పొగరు చూపిస్తుంటే, దీన్ని పండించిన రైతుకు ఇంకెంత పవరు, పొగరు ఉంటుందో చూపించమంటావా?" బాలా మావయ్యా!మీ డైలాగ్ సూపర్. టోటల్ గా మీ సినిమా 'రూలర్' ట్రైలర్ అదుర్స్.దీన్నిబట్టి సినిమా దుమ్ములేపుద్దనిపిస్తోంది. ఆల్ ద బెస్ట్ బాలా మావయ్యా!' అంటూ ట్వీట్ చేశాడు. సోనాల్ చౌహాన్, వేధిక, ప్రకాశ్ రాజ్, భూమిక లాంటి తారగణం నటిస్తున్న ఈ సినిమా డిసెంబర్ 20న విడుదల కానుంది.