Don't Miss!
- News కుజసంచారంతో హనుమాన్ జయంతి నుండి ఈ రాశులవారికి సిరిసంపదలు
- Sports RR vs MI: అదే మా కొంపముంచింది: హార్దిక్ పాండ్యా
- Lifestyle మామిడి పండ్లు తినడానికి ముందు నీళ్ళలో ఎందుకు నానబెట్టాలి? ఖచ్చితంగా తెలుసుకోవల్సిన విషయం
- Technology Xiaomi Smarter Living 2024 లాంచ్ ఈవెంట్ రేపే! ఏమేమి లాంచ్ అవుతున్నాయో తెలుసుకోండి
- Finance Market Closing: భారీ లాభాల్లో ముగిసిన సెన్సెక్స్-నిఫ్టీ.. క్యూ4 ఫలితాల మ్యాజిక్..
- Automobiles ఫార్చ్యూనర్ కొత్త ఎడిషన్ను లాంచ్ చేసిన టయోటా.. ఈ ‘లీడర్' ప్రత్యేకతలివే.!!
- Travel ఐఆర్సిటిసి హైదరాబాద్ టు మధ్యప్రదేశ్ ఆధ్యాత్మిక టూర్ ప్యాకేజీ..
బాలయ్యను ఢీకొట్టడానికి రెడీ అయిన యంగ్ హీరో.. ఎన్టీఆర్ తర్వాత ఇదే!
సీనియర్ హీరో నందమూరి బాలకృష్ణ - మాస్ డైరెక్టర్ బోయపాటి శ్రీను కాంబినేషన్లో ఓ సినిమా తెరకెక్కుతోన్న విషయం తెలిసిందే. 'సింహా', 'లెజెండ్' వంటి రెండు భారీ సూపర్ హిట్ల తర్వాత వీళ్ల కాంబినేషన్లో వస్తున్న ఈ సినిమాను భారీ బడ్జెట్తో మిర్యాల రవీందర్ రెడ్డి నిర్మిస్తున్నాడు. ఇందులో బాలయ్య రెండు విభిన్నమైన పాత్రల్లో కనిపించబోతున్నాడని కొద్ది రోజులుగా ప్రచారం సాగుతోంది. అందులో ఒకటి పవర్ఫుల్ రైతు రోల్ కాగా, ఇంకోటి అఘోరా పాత్ర అని వార్తలు వస్తున్నాయి. దీంతో ఈ సినిమాపై అంచనాలు భారీగా ఏర్పడ్డాయి.
ఎంతో ప్రతిష్టాత్మకంగా తెరకెక్కుతోన్న ఈ సినిమాలో పలానా నటుడు, నటి కీలక పాత్రలు పోషిస్తున్నారని రోజుకో వార్త తెరపైకి వస్తోంది. ఇందులో భాగంగానే ఈ భారీ చిత్రంలో యంగ్ హీరో నవీన్ చంద్ర నటిస్తున్నాడని ఆ మధ్యనే ఓ న్యూస్ బయటకు వచ్చింది. దీనిపై క్లారిటీ అయితే రాలేదు కానీ.. ఇందులో అతడు పొలిటికల్ లీడర్ కుమారుడి పాత్రను పోషిస్తున్నాడని తాజాగా ఓ న్యూస్ ఫిలిం నగర్ వర్గాల్లో చక్కర్లు కొడుతోంది.
అంతేకాదు, అది ఎంతో పవర్ఫుల్గా ఉంటుందని అంటున్నారు. త్రివిక్రమ్ శ్రీనివాస్ - జూనియర్ ఎన్టీఆర్ కాంబినేషన్లో వచ్చిన 'అరవింద సమేత.. వీరరాఘవ' సినిమాలో నవీన్ చంద్ర నెగెటివ్ రోల్ చేశాడు. దానికి ఎన్నో ప్రశంసలు వచ్చాయి. ఆ మూవీ తర్వాత మరోసారి నందమూరి హీరో సినిమాలో నటిస్తున్నాడు.
ఇదిలా ఉండగా, BB3 అనే వర్కింగ్ టైటిల్తో వస్తున్న ఈ సినిమాలో ఫ్యామిలీ హీరో శ్రీకాంత్ విలన్గా చేస్తున్నాడని ఇటీవల ఓ న్యూస్ బయటకు వచ్చింది. అంతేకాదు, ఇందులో నటించే హీరోయిన్ విషయంలోనూ ఎన్నో ప్రచారాలు జరుగుతున్నాయి. కానీ, క్లారిటీ మాత్రం రావడం లేదు. ఇక, ఈ మూవీ టీజర్కు భారీ స్థాయిలో రెస్పాన్స్ వచ్చిన సంగతి తెలిసిందే.