Click it and Unblock the Notifications
Pushpa 2 OTT Business: పుష్ప 2 ఓటీటీ హక్కుల కోసం కళ్లు చెదిరే డీల్.. ఆల్టైమ్ రికార్డ్స్ బ్రేక్
Pushpa 2 OTT Digital Rights Price: ఐకాన్ స్టార్ అల్లు అర్జున్, సెన్సేషన్ డైరెక్టర్ సుకుమార్ కాంబో తెరకెక్కుతున్న మూవీ 'పుష్ప 2: ది రూల్'. ఈ సినిమా విడుదల కోసం వర్డల్ వైడ్ గా కోట్లాదిమంది అభిమానులు నిరీక్షిస్తున్నారు. మూడేండ్ల క్రితం సుకుమార్ దర్శకత్వంలో అల్లు అర్జున్ హీరోగా వచ్చిన 'పుష్ప: ది రైజ్' అనే సినిమా నేషనల్ వైడ్గా భారీ బ్లాక్బస్టర్ రికార్డు క్రియేట్ చేసింది. కేవలం తెలుగులోనే కాకుండా విడుదలైన అన్ని భాషల్లో అదరగొట్టింది. దీంతో పుష్ప 2 పై నేషనల్ వైడ్గా భారీ అంచనాలు నెలకొన్నాయి. ఇలాంటి భారీ బడ్జెట్ మూవీ నుంచి క్రేజీ అప్డేట్ వచ్చింది. ఇంతకీ ఆ అప్టేడ్ ఏంటంటే..?
మూవీ మేకర్స్ ముందుగా ప్రకటించిన షెడ్యూల్ ప్రకారం.. పుష్ప 2 మూవీ డిసెంబర్ 6 వర్డల్ వైడ్ గా రిలీజ్ కానుంది. ఇప్పటివరకూ ఈ మూవీ నుంచి వచ్చిన టీజర్స్, గ్లింప్స్, పోస్టర్స్ అంటూ ఇచ్చిన అప్డేట్స్ మాత్రం.. ఈ మూవీ ఇండియాలోని అన్ని రికార్డులను బద్దలుకొడుతుందనే అంచనాలను క్రియేట్ చేసింది. అయితే.. ఈ భారీ బడ్జెట్ మూవీ నుంచి డిజిటల్ స్ట్రీమింగ్ హక్కులకు సంబంధించిన కీ అప్డేట్ వచ్చింది.
గత కొంతకాలంగా 'పుష్ప 2: ది రూల్' మూవీ డిజిటల్ స్ట్రీమింగ్ హక్కుల విషయంపై రూమర్లు వస్తుండగా.. ఇప్పుడు ఒప్పందం ఖరారైంది. ఈ మూవీ ఓటీటీ హక్కులకు భారీ డిమాండ్ కనబడుతోంది. టాప్ ఓటీటీ ప్లాట్ ఫారం అయిన నెట్ఫ్లిక్స్.. ఇప్పటి వరకూ ఏ ఇండియన్ మూవీకి చెల్లించని అమౌంట్ పెట్టి మరీ పుప్ప 2 హక్కులను కొనుగోలు చేసింది. అన్ని భాషలకు కలిపి ఏకంగా రూ.270కోట్లకు ఈ మూవీ స్ట్రీమింగ్ రైట్స్ను నెట్ఫ్లిక్స్ కైవసం చేసుకున్నట్టు సమాచారం.
డిజిటల్ స్ట్రీమింగ్ హక్కుల విషయంలో 'పుష్ప 2: ది రూల్' సినిమా ఆల్టైమ్ రికార్డు క్రియేట్ చేసిందనీ, ఇండియా ఏ సినిమా స్ట్రీమింగ్ రైట్స్ ఖర్చు చేయని విధంగా అత్యధిక ధరకు అమ్ముడుపోయిన డిజిటల్ రైట్స్ మూవీగా నిలిచింది.
ఇదిలా ఉంటే.. పుష్ప 2 మేకర్స్ ఎప్పటికప్పుడూ గ్లింప్స్, సాంగ్స్, ప్రొమో అంటూ.. అంచనాలను పెంచుతున్నారు. ఇప్పటి వరకు ఈ సినిమా నుంచి విడుదలైన రెండు పాటలను అభిమానుల నుంచి మంచి ఆదరణ పొందాయి. ఈ భారీ బడ్జెట్ మూవీని మైత్రీ మూవీ మేకర్స్ బ్యానర్ పై నవీన్ యెర్నేనీ, రవిశంకర్ నిర్మిస్తున్నారు. ఈ మూవీలో అల్లు అర్జున్ హీరో నటించగా.. రష్మిక మందన్న హీరోయిన్ గా.. ఫహద్ ఫాసిల్ విలన్ గా ధనంజయ, జగదీష్ ప్రతాప్ బండారి, రావు రమేష్, అజయ్, సునీల్, అనసూయ భరద్వాజ్ లు కీలక పాత్రల్లో నటిస్తున్నారు.
ఈ సినిమాకు దేవీ శ్రీప్రసాద్ మ్యూజిక్ అందిస్తున్నారు. 2021 డిసెంబర్లో రిలీజైన పుష్ప చిత్రం భారీ బ్లాక్బస్టర్ మారింది. దాదాపు మూడేండ్లు అవుతున్న అల్లు అర్జున్ యాక్టింగ్, మేనరిజమ్స్, స్వాగ్ ను ప్రేక్షకులు మరిచిపోలేదు. ఈ పాత్రకు నేషనల్ వైడ్గా మంచి గుర్తింపు రావడంతో అల్లు అర్జున్ కి పాన్ ఇండియా స్టార్ గా గుర్తింపు వచ్చింది. పుష్ప 2 కు అదే లెవెల్ హిట్ వస్తుందని ఇండస్ట్రీ టాక్.
Continue with Google