హోమ్

లేటేస్ట్ న్యూస్

శ్రీనివాస కళ్యాణం సినిమాతో బోల్తా పడ్డ హీరో నితిన్. ఫ్యామిలీ ఎంటర్టైనర్‌గా తెరకెక్కిన ఆ చిత్రం తనకు కొత్త ఇమేజ్‌ను తీసుకువస్తుందని ఆశిస్తే బెడిసి కొట్టింది. చల్ మోహనరంగ చిత్రమైనా తనకు కలిసి వస్తుందంటే అది హ్యాండిచ్చింది. ఇలా వరుస ఫెయిల్యూర్స్‌లో ఉన్న నితిన్‌కు మాత్రం అదిరిపోయే ఆఫర్స్ వస్తూనే ఉన్నాయి. ప్రస్తుతం వెంకీ కుడుములతో భీష్మ, వెంకీ అట్లూరితో రంగ్‌దే ఇలా వరుస ప్రాజెక్ట్‌లతో బిజీగా ఉన్నాడు.

ఇప్పటికే భీష్మ ప్రమోషన్స్ కూడా మొదలు పెట్టేశారు. ఇప్పటి వరకు రిలీజ్ చేసిన గ్లింప్సెస్, సింగిల్ ఆంథమ్ ఎంతగానో వైరల్ అయి సినిమాపై హైప్ పెంచేశాయి. ఈ క్రమంలోనే సంక్రాంతి కానుకగా.. తన ఫ్యాన్స్‌కు ట్రీట్ ఇచ్చాడు నితిన్. భీష్మ టీజర్ వదిలి అందర్నీ ఖుషీ చేశాడు.

రష్మిక-నితిన్ మధ్య కెమెస్ట్రీ హైలెట్‌గా నిలవనున్నట్టు తెలుస్తోన్న ఈ టీజర్ సోషల్ మీడియాలో ట్రెండ్ అవుతోంది. వన్ మిలియన్ క్రాస్ చేసిన ఈ వీడియో యూట్యూబ్‌లో టాప్ ప్లేస్‌లో ఉంది. ఈ సినిమాను సితార ఎంటర్టైన్మెంట్స్ బ్యానర్‌పై వెంకీ కుడుముల దర్శకత్వంలో రూపొందిస్తున్నారు. మహతి సాగర్ ఈ సినిమాకి సంగీతాన్ని సమకూర్చుతున్నాడు. సూర్య‌దేవ‌ర నాగ‌వంశీ నిర్మాతగా వ్యవహరిస్తున్నాడు. ఫిబ్రవరి 21న భీష్మ విడుదల కానుంది.