Don't Miss!
- Sports SRH vs RCB: ఫుల్ టాస్కు ఔటైన మార్క్రమ్.. నవ్వు ఆపుకోలేకపోయిన కోహ్లీ!వీడియో
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- News కాలేజ్ అమ్మాయి ఇంటికి వెళ్లిన సీఎం, పోలింగ్ కు ఒక్కరోజు ముందు ప్రతిపక్షాలకు ఝలక్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
Maestro మూవీ ఓటీటీ రిలీజ్ డేట్ ఫిక్స్: నితిన్ సినిమా ఎందులో రాబోతుందంటే!
గత ఏడాది 'భీష్మ'తో కెరీర్లోనే భారీ హిట్ను అందుకున్నాడు టాలీవుడ్ యూత్ స్టార్ నితిన్. అయితే, ఈ సంవత్సరం మాత్రం అతడికి అంతగా కలిసి రాలేదు. ఇప్పటికే ఈ యంగ్ హీరో నటించిన రెండు సినిమాలు (చెక్, రంగ్ దే) ప్రేక్షకుల ముందుకు వచ్చాయి. ఈ రెండూ బాక్సాఫీస్ ముందు బోల్తా పడ్డాయి. అయినప్పటికీ ఏమాత్రం వెనక్కి తగ్గని ఈ టాలెంటెడ్ హీరో.. ఇప్పుడు మరో సినిమాతో రెడీ అయ్యాడు. అదే.. బాలీవుడ్ హిట్ మూవీ 'అంధాధున్'కు రీమేక్గా వచ్చిన 'మాస్ట్రో'. తాజాగా ఈ సినిమా రిలీజ్ గురించి ఓ అదిరిపోయే న్యూస్ ఫిలిం నగర్లో చక్కర్లు కొడుతోంది.
కరోనా రెండో దశ కారణంగా చాలా సినిమాలు ఓటీటీ బాట పట్టాయి. ఈ క్రమంలోనే మేర్లపాక గాంధీ దర్శకత్వంలో నితిన్ నటించిన తాజా చిత్రం 'మాస్ట్రో' కూడా ఓటీటీ డీల్ను ఫిక్స్ చేసుకుంది. ఇందులో భాగంగానే డిస్నీ ప్లస్ హాట్స్టార్ సంస్థ ఈ సినిమా హక్కులను ఏకంగా రూ. 32 కోట్లకు కొనగోలు చేసినట్లు కొద్ది రోజులుగా వార్తలు వస్తున్నాయి. తాజా సమాచారం ప్రకారం.. ఈ సినిమా స్వాతంత్ర్య దినోత్సవం కానుకగా ఆగస్టు 15 నుంచి డిస్నీ ప్లస్ హాట్స్టార్లో స్ట్రీమింగ్ కాబోతుందట. దీనికి సంబంధించిన ప్రకటన అతి త్వరలోనే రాబోతుందని ఇండస్ట్రీ వర్గాల్లో టాక్ వినిపిస్తోంది.
బట్టలు మొత్తం తీసేసిన జాక్వెలిన్ ఫెర్నాండెజ్: అరాచకమైన ఫొటోలతో రెచ్చిపోయిన పవన్ హీరోయిన్
క్రైమ్ థ్రిల్లర్గా రాబోతున్న 'మాస్ట్రో'లో నితిన్ అంధుడిగా నటిస్తున్నాడు. ఇప్పటికే ఈ సినిమా నుంచి విడుదలైన పోస్టర్లు, టీజర్, పాటకు భారీ స్థాయిలో రెస్పాన్స్ వచ్చింది. దీంతో అంచనాలు ఒక్కసారిగా పెరిగిపోయాయి. ఇక, ఈ సినిమాలో నభా నటేష్, తమన్నా భాటియా హీరోయిన్లుగా నటిస్తున్నారు. అలాగే, యాంకర్ శ్రీముఖి కీలక పాత్రను పోషిస్తోంది. దీన్ని శ్రేష్ట్ మూవీస్ బ్యానర్పై నికితా రెడ్డి, సుధాకర్ రెడ్డి నిర్మిస్తున్నారు. మహతి స్వర సాగర్ సంగీతం అందిస్తున్నారు.