త్రివిక్రమ్ గారు.. ఐ మిస్ యూ అంటూ ఏడ్చేసిన నితిన్.. వైరల్ వీడియో

వరుస సినిమాలకు కమిట్.. నితిన్ స్పీడ్

జయాపజయాలతో సంబంధం లేకుండా వరుస సినిమాలకు కమిట్ అవుతున్నాడు యంగ్ హీరో నితిన్. ఈ నేపథ్యంలో ఈ ఏడాది ఇప్పటికే ఏకంగా నాలుగు సినిమాలను ఓకే చెప్పేశాడు నితిన్. ఇందులో ఒకటి వెంకీ కుడుముల దర్శకత్వంలో తెరకెక్కుతున్న భీష్మ. ప్రస్తుతం ఈ సినిమా షూటింగ్ శరవేగంగా జరుగుతోంది.

అదే సెట్.. సేమ్ లొకేషన్.. నితిన్ ఏడుపు

వెంకీ కుడుముల- నితిన్ కాంబోలో తెరకెక్కుతున్న ఈ సినిమా షూటింగ్ నితిన్ గత సినిమా 'అ.. ఆ' షూట్ చేసిన లొకేషన్ లోనే జరుగుతోందట. సేమ్ అదే ఇల్లు.. అదే లొకేషన్.. ఇక్కడే కీలక సన్నివేశాలు చిత్రీకరిస్తున్నారట. ఇదే హీరో నితిన్ ఏడుపుకు కారణమైంది.

ఆ ఇంట్లో మెట్ల దగ్గర కూర్చొని..

భీష్మ షూటింగ్ జరుగుతున్న ఆ ఇంట్లో మెటల్ దగ్గర కూర్చొని అ.. ఆ జర్నీని నెమరు వేసుకుంటూ తలచుకొని ఏడ్చేశాడు నితిన్. పైగా ఈ వీడియోను తన ట్విట్టర్ ద్వారా షేర్ చేస్తూ.. ''అ.. ఆ అదో అద్భుతమైన జర్నీ. అదే లొకేషన్ లో షూట్ చేస్తుండటంతో ఆ జ్ఞాపకాలు గుర్తొస్తున్నాయి. ఐ మిస్ యూ త్రివిక్రమ్ గారు'' అని పేర్కొన్నాడు.

నితిన్- త్రివిక్రమ్ కాంబోలో సూపర్ డూపర్ హిట్.. అ ఆ

త్రివిక్రమ్ శ్రీనివాస్ దర్శకత్వంలో నితిన్ హీరోగా రూపొందిన చిత్రం 'అ ఆ'. త్రివిక్రమ్ సన్నిహితుడు రాధాకృష్ణ ఈ చిత్రాన్ని నిర్మించారు. చిత్రంలో నితిన్ జోడీగా సమంత నటించింది. గత మూడేళ్ళ క్రిందటవచ్చిన ఈ సినిమా రికార్డు స్థాయిలో కలెక్షన్స్ రాబట్టి నితిన్ కెరీర్ లో సూపర్ హిట్ సినిమాగా నిలిచింది.

భీష్మ మూవీ

ఇక నితిన్ తాజా సినిమా భీష్మ విషయానికొస్తే.. వెంకీ కుడుముల దర్శకత్వంలో రూపొందుతోన్న ఈ సినిమాలో నితిన్ హీరోగా నటిస్తుండగా, ఆయన సరసన రష్మిక మందన్న హీరోయిన్‌గా నటిస్తోంది. మహతి స్వరసాగర్‌ సంగీతం అందిస్తున్నారు. అతి త్వరలో ప్రేక్షకుల ముందుకు రానున్న ఈ సినిమా ప్రస్తుతం శరవేగంగా షూటింగ్ జరుపుకుంటోంది.