హోమ్

లేటేస్ట్ న్యూస్

టాలీవుడ్ హీరో నితిన్‌కు ఈ ఏడాది బాగానే కలిసి వచ్చింది. ఎన్నో రోజుల నుంచి సక్సెస్ కోసం ఎదురుచూసిన నితిన్‌కు భీష్మ రూపంలో సూపర్ హిట్ దక్కింది. ఈ మూవీ బాక్సాఫీస్ వద్ద ఘన విజయం సాధించడం, ప్రేమించిన అమ్మాయిని పెళ్లి చేసుకోవడం, లాక్ డౌన్ వల్ల ఇంటి పట్టునే ఉంటూ ఫ్యామిలీతో గడపడం ఇలా నితిన్‌కు ఈ ఏడాది అంతా బాగానే కలిసి వచ్చింది. ఇలా లాక్ డౌన్ ఎత్తేశారో లేదో మళ్లీ షూటింగ్‌లంటూ రంగంలోకి దిగేశాడు.

మామూలుగా అయితే కరోనా అనేది రాకుండా ఉండి ఉంటే.. ఈ పాటికి నితిన్ మరో రెండు చిత్రాలతో ప్రేక్షకులను పలకరించేవాడు. రంగ్ దే, అంధాదున్ రీమేక్‌లు ఈ పాటికి మన ముందుకు వచ్చేవి. కానీ లాక్డౌన్ వల్ల అన్నీ తారుమారు అయ్యాయి. అందుకే ఇప్పుడు వాటన్నంటినిక చకచకా పూర్తిచేసే పనిలో పడ్డాడు. ఈ మధ్యే చంద్రశేఖర్ యేలేటి ప్రాజెక్ట్ 'చెక్'కు సంబంధించిన అప్డేట్స్ ఇచ్చాడు.

అయితే నితిన్ తన కెరీర్‌లో మొదటి సారిగా ఓ ఉత్పత్తికి బ్రాండ్ అంబాసిడర్‌గా వ్యవహరించబోతోన్నాడు. ఎండోర్స్‌మెంట్ ద్వారా ఆదాయాన్ని సంపాదించుకునేందుకు హీరోలు పలు ఉత్పత్తులకు సంబంధించి ప్రకటనల్లో నటిస్తారు. ఈ మధ్యే రామ్ కూడా ఓ యాడ్‌లో నటించేశాడు. ఇప్పుడు నితిన్ వంతు వచ్చింది. ఈ యాడ్ షూటింగ్‌కు సంబంధించిన స్టిల్స్‌ను నితిన్ తాజాగా షేర్ చేయడంతో అవి తెగ వైరల్ అవుతున్నాయి. అందులో నితిన్ కూల్‌గా కనిపించడంతో అందరూ ఫిదా అవుతున్నారు.