Don't Miss!
- News మోదీ కరుణించిన ఎన్నికల కమీషన్ షాక్ ఇచ్చింది, తిరుగులేని నాయకుడికి రివర్స్ గేర్ !
- Sports DC vs SRH: అందుకే ఉనాద్కత్ను పక్కనపెట్టాం: ప్యాట్ కమిన్స్
- Lifestyle మీ భార్యతో ఇలా ఎప్పుడైనా ఉన్నారా..? ఆ విషయంలో భర్త తగ్గాల్సిందే..!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Automobiles త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- Technology ధర రూ.1099 కే నావిగేషన్ ఫీచర్ తో boAt స్మార్ట్ వాచ్! సేల్, ఫీచర్ల వివరాలు
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
Check Telugu Movie First Glimpse: జైల్లో చెస్ ఆడుతున్న నితిన్.. ఆనంద్ను మించేలా!
'జయం' అనే సినిమాతో టాలీవుడ్కు హీరోగా పరిచయం అయ్యాడు నితిన్. మొదటి సినిమాతోనే భారీ విజయాన్ని అందుకోవడంతో పాటు యాక్టర్గానూ మెప్పించాడు. ఆ వెంటనే 'దిల్' అనే మూవీతో మరో హిట్ను తన ఖాతాలో వేసుకున్నాడు. ఇలా కెరీర్ ఆరంభంలోనే కొన్ని విజయాలతో దూసుకుపోయాడు. అయితే, ఆ తర్వాత చాలా రోజుల పాటు వరుస పరాజయాలతో సతమతం అయ్యాడు. ఈ నేపథ్యంలో 'ఇష్క్' తర్వాత అతడి సెకెండ్ ఇన్నింగ్స్ ప్రారంభం అయింది. ఈ చిత్రం తర్వాత అతడి కెరీర్ సాఫీగానే సాగుతోంది. దీంతో వరుస ప్రాజెక్టులతో బిజీ అయిపోయాడు.
ఈ ఏడాది 'భీష్మ'తో హిట్ను అందుకున్న నితిన్.. ప్రస్తుతం 'రంగ్దే' అనే సినిమా చేస్తున్నాడు. దీనితో పాటే వెర్సటైల్ డైరెక్టర్ చంద్రశేఖర్ ఏలేటి తెరకెక్కిస్తోన్న 'చెక్'లోనూ నటిస్తున్నాడు. ఎంతో ప్రతిష్టాత్మకంగా రూపొందుతోన్న ఈ సినిమాలో అతడు చెస్ ప్లేయర్గా నటిస్తున్నాడు. నూతన సంవత్సర కానుకగా ఈ సినిమా ఫస్ట్ గ్లిమ్స్ విడుదలైంది. జైల్లో ఉన్న హీరో.. గొప్ప చెస్ ప్లేయర్ అని చెబుతూ ఈ వీడియో మొదలవుతుంది. ఆ తర్వాత అతడికి ఉగ్రవాది అన్న పేరు రావడంతో ఉరి శిక్ష పడుతుంది. మొత్తానికి ఈ వీడియో ఆసక్తికరంగా సాగుతుంది.
నితిన్ 28వ సినిమాగా వస్తున్న 'చెక్'లో రకుల్ ప్రీత్ సింగ్, ప్రియా ప్రకాష్ వారియర్ హీరోయిన్లు. కీరవాణి సంగీతం సమకూరుస్తున్నారు. భవ్య క్రియేషన్స్ బ్యానర్పై ఆనంద్ ప్రసాద్ నిర్మిస్తున్నారు. ఇదిలా ఉండగా, సినిమాలో భాగంగా హీరో ఓ కేసులో ఇరుక్కుంటాడట. దీంతో న్యాయస్థానం అతడికి ఉరిశిక్షను విధిస్తుందని తెలుస్తోంది. ఉరిశిక్ష పడిన ఖైదీ అయిన నితిన్ దేశం కోసం చెస్ ఆడేందుకు అనుమతి తీసుకుంటాడట. ఆ టోర్నీలో ఇండియాకు పతకం తీసుకు రావడంతో ప్రజా కోరిక మేరకు న్యాయస్థానం ఉరిశిక్షను రద్దు చేస్తుందట. ఇదే ఈ సినిమా కథ అని సమాచారం.