Don't Miss!
- News పురందేశ్వరికి చెక్ పెడుతోందెవరు - చంద్రబాబు ఎటువైపు..!?
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Automobiles టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Finance CRAMC IPO: త్వరలో కెనరా రోబెకో అసెట్ మేనేజ్మెంట్ కంపెనీ ఐపీఓ..!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘చెక్’ డిజిటల్ రిలీజ్కు డేట్ ఫిక్స్: ఆ ఓటీటీలో స్ట్రీమింగ్ కాబోతున్న నితిన్ సినిమా
గత ఏడాది 'భీష్మ'తో భారీ విజయాన్ని అందుకున్నాడు యూత్ స్టార్ నితిన్. అయితే, ఈ ఏడాది మాత్రం అతడి కెరీర్ అంత సాఫీగా సాగడం లేదు. ఈ సంవత్సరం ఆరంభంలోనే అతడు 'చెక్' అనే సినిమాతో ప్రేక్షకుల ముందుకు వచ్చాడు. విభిన్న కథా చిత్రాల దర్శకుడిగా పేరొందిన చంద్ర శేఖర్ ఏలేటి రూపొందించిన ఈ సినిమా బాక్సాఫీస్ ముందు భారీ పరాజయాన్ని మూటగట్టుకుంది. ఫలితంగా ఊహించని స్థాయిలో నష్టాలను ఎదుర్కోవాల్సి వచ్చింది. థియేటర్లలో నిరాశ పరిచిన ఈ సినిమా డిజిటల్ స్ట్రీమింగ్కు రెడీ అయిపోయింది. తాజాగా దీని విడుదల తేదీ వెలువడింది.
నితిన్ నటించిన 'చెక్' మూవీ డిజిటల్ స్ట్రీమింగ్ హక్కులను సన్ నెక్ట్స్ సంస్థ కొనుగోలు చేసింది. ఇందుకోసం భారీ మొత్తాన్ని వెచ్చించినట్లు ఆ మధ్య ప్రచారం జరిగింది. ఇక, ఈ సినిమా పరాజయం పాలవడంతో ఓటీటీలో త్వరలోనే విడుదలవుతుందని అంతా అనుకున్నారు. కానీ, ఇది విడుదలై చాలా కాలమే అవుతోన్నా అలా జరగలేదు. ఈ నేపథ్యంలోనే మే 14 నుంచి సన్ నెక్ట్స్ ఓటీటీలో స్ట్రీమింగ్ కాబోతుంది. ఈ విషయాన్ని చిత్ర యూనిట్ తాజాగా ప్రకటించింది. దీంతో నితిన్ అభిమానులతో పాటు సినీ ప్రియులంతా దీని కోసం ఆసక్తిగా ఎదురు చూస్తున్నారు.
చెస్ గేమ్ నేపథ్యంతో వచ్చిన 'చెక్' మూవీ ఎంతో ప్రతిష్టాత్మకంగా రూపొందింది. ఇందులో రకుల్ ప్రీత్ సింగ్, ప్రియా ప్రకాష్ వారియర్ హీరోయిన్లుగా నటించారు. భవ్య క్రియేషన్స్ బ్యానర్పై ఆనంద్ ప్రసాద్ ఈ సినిమాను నిర్మించారు. ఈ చిత్రానికి కీరవాణి సంగీతం సమకూర్చారు. ఇదిలా ఉండగా.. 'చెక్' మూవీ ప్రీ రిలీజ్ బిజినెస్ కూడా ప్రపంచ వ్యాప్తంగా రూ. 16.10 కోట్లు వరకూ జరిగింది. కానీ, కలెక్షన్లు మాత్రం సగానికి సగమే వచ్చాయి. దీంతో ఇది డిజాస్టర్గా మిగిలిపోయింది. తద్వారా నిర్మాతకు నష్టాలు ఎదురయ్యాయి.