Extra Ordinary Man: సెన్సార్ పూర్తి చేసుకున్న నితిన్ సినిమా.. ఏ సర్టిఫికేట్ వచ్చిందో, రన్ టైమ్ ఎంతో తెలుసా?

టాలీవుడ్ యంగ్ అండ్ డైనమిక్ హీరో నితిన్ గురించి తెలుగు సినీ ప్రేక్షకులకు ప్రత్యేకంగా చెప్పాల్సిన అవసరం లేదు. గత కొంత కాలంగా వరుస ఫ్లాపులతో సతమతమవుతున్న ఈ అందగాడు.. మరో కొత్త సినిమాతో ప్రేక్షకుల ముందుకు వస్తున్నాడు. భీష్మ తర్వాత ఫ్లాపులుగా నిలిచిన చెక్, రంగ్ దే, మాస్ట్రో, మాచర్ల నియోజకవర్గం వంటి చిత్రాల ఫలితాలను దృష్టిలో పెట్టుకుని ఈ సారి కచ్చితంగా హిట్టు కొట్టాలనే కసితో ఎక్స్‌ట్రా - ఆర్డినరీ మ్యాన్‌ అనే సినిమాలో నటించాడు. ఈ చిత్రానికి డైరెక్టర్ వక్కంతం వంశీ దర్శకత్వం వహించారు.

అయితే ఈ సినిమాలో నితిన్ పక్క మోస్ట్ వాంటెడ్ హీరోయిన్ శ్రీలీల కథానాయికగా నటిస్తోంది. అలాగే ఆదిత్య మూవీస్ అండ్ ఎంటర్ టైన్ మెంట్స్ సహకారంతో శ్రేష్ట్ మూవీస్ బ్యానర్ పై సుధాకర్ రెడ్డి ఈ సినిమాను నిర్మిస్తున్నారు. డిసెంబర్ 8వ తేదీన ఈ సినిమాను గ్రాండ్ గా విడుదల చేసేందుకు చిత్రబృందం ఏర్పాట్లు చేస్తోంది. మరో రెండు రోజుల్లో ప్రేక్షకుల ముందుకు రాబోతున్న ఈ సినిమా తాజాగా సెన్సార్ షిప్ పూర్తి చేసుకుంది. అయితే ఏ సర్టిఫికేట్ వచ్చింది, రన్ టైం ఎంత అనేది మనం ఈ కథలో తెలుసుకుందాం.

నితిన్, శ్రీలీల హీరోహీరోయిన్లుగా రాబోతున్న ఈ చిత్రానికి సెన్సార్ బోర్టు యూ/ఏ సర్టిఫికేట్ అందజేసింది. అలాగే ఈ సినిమా రన్ టైమ్ ను 3 గంటల 36 నిమిషాలుగా ఫిక్స్ చేసింది. ఈ విషయాన్ని తెలుపుతూ... చిత్ర బృందం సోషల్ మీడియా వేదికగా పోస్ట్ చేసింది. ప్రపంచ వ్యాప్తంగా డిసెంబర్ 8వ తేదీన విడుదల కాబోతున్న ఈ చిత్రం సెన్సార్ ఫిప్ పూర్తి చేసుకుంది అంటూ వెల్లడించింది. అయితే ఈ సినిమాకు సంబంధించిన టీజర్, ఫస్ట్ లుక్, ట్రైలర్ లు ప్రేక్షకులను ఎంతగానో అలరించాయి. మరి సినిమా ఏ రేంజ్ లో అలరించబోతుంది, ఏ మేర కలెక్షన్లు వసూలు చేస్తుందనేది తెలియాలంటే ఇంకా కొంత కాలం ఆగాల్సిందే.

ఇటీవలే ఈ సినిమాకు సంబంధించిన ఓలే ఓలే పాపాయి సాంగ్ విడుదల కాగా... అదిరిపోయే రెస్పాన్స్ వచ్చింది. ఫుల్ మాస్ బీట్ తో సాగిన ఈ పాటలో నితిన్, శ్రీలీలలు తమ స్టెప్పులతో అదరగొట్టారు. ప్రముఖ తమిళ సంగీత దర్శకుడు హరీస్ జయరాజ్ ఈ చిత్రానికి మ్యూజిక్ అందిస్తుండగా.. బ్యాగ్రౌండ్ మ్యూజిక్ అదిరిపోయింది. ముఖ్యంగా ఈ సినిమాలో నితిన్, శ్రీలీలలతో పాటు పవిత్రా లోకేష్, హర్ష వర్ధన్ నటించబోతున్నారు. అయితే నితిన్ సినిమా విడుదల అవుతున్న రోజే నాచురల్ స్టార్ నాని హాయ్ నాన్న సినిమా కూడా విడుదల కాబోతుంది. చూడాలి మరి ఏం జరగనుంది అనేది.