Don't Miss!
- News ఏప్రిల్ లో అంగారక యోగం: ఈ మూడు రాశుల వారికి ఆర్థిక నష్టాలు, ఊహించని కష్టాలు
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ఎన్టీఆర్ బయోపిక్: దాసరి పాత్రను పోషించే ప్రముఖ దర్శకుడు ఎవరంటే?
ఎన్టీఆర్ బయోపిక్కు సంబంధించి రోజుకొక కొత్త విషయం వెలుగులోకి వస్తోంది. ఎన్టీ రామారావు సినీ, రాజకీయ జీవితంతో సంబంధం ఉన్న ఎందరో ప్రముఖులను ఇందులో ఫోకస్ చేయబోతున్న నేపథ్యంలో ఆ పాత్రలకు తగిన వ్యక్తులను ఎంపికే చేయడంలో దర్శకుడు ప్రత్యేక దృష్టి పెట్టారు.
ఈ చిత్రంలో ఎన్టీ రామారావు పాత్రను బాలకృష్ణ పోషిస్తున్న సంగతి తెలిసిందే. దీంతో పాటు హరికృష్ణ పాత్రను కళ్యాణ్ రామ్, అక్కినేని పాత్రను సుమంత్ ఇలా సినిమాలోని ముఖ్య పాత్రలను పోషించే నటుల విషయంలో స్పెషల్ కేర్ తీసుకుంటున్నారు.
తాజాగా అందుతున్న సమాచారం ప్రకారం ఈ మూవీలో దర్శకరత్న దాసరి నారాయణ రావు పాత్ర కూడా ఉంటుందని తెలుస్తోంది. ఇందుకోసం టాలీవుడ్ స్టార్ డైరెక్టర్లలో ఒకరైన వివి వినాయక్ను ఎంపిక చేసినట్లు తెలుస్తోంది. ఇతర పాత్రల విషయానికొస్తే ఎన్టీ రామారావు భార్య బసవతారకం పాత్రలో విద్యాబాలన్, శ్రీదేవి పాత్రలో రకుల్ ప్రీత్ సింగ్, చంద్రబాబు పాత్రను రానా దగ్గుబాటి పోషిస్తున్నారు.
ఎన్టీఆర్ బయోపిక్ రెండు భాగాలుగా ప్రేక్షకుల ముందుకు రాబోతోంది. రామారావు సినీ జీతాన్ని 'కథానాయకుడు'... రాజకీయ జీవితాన్ని 'మహానాయకుడు' పేరుతో విడుదల చేయబోతున్నారు. మొదటి భాగం వచ్చే జనవరి 9న, రెండో భాగం జనవరి 24న విడుదల చేసేందుకు ప్లాన్ చేస్తున్నారు.