హోమ్

లేటేస్ట్ న్యూస్

సూపర్‌ గుడ్‌ ఫిలింస్‌ అధినేత ఆర్‌బీ చౌదరి తనయుడు జితన్‌ రమేష్‌ హీరోగా పరిచయం అవుతున్న 'ఒకటే లైఫ్‌' రిలీజ్‌కు సిద్ధమైంది. 'హ్యాండిల్‌ విత్‌ కేర్‌' అన్నది ఉప శీర్షికతో వస్తున్న ఈ చిత్రం మే 3 తేదీన ప్రపంచవ్యాప్తంగా విడుదల అవుతున్నది. లార్డ్‌ వెంకటేశ్వర ఫిలింస్‌ పతాకంపై నారాయణ రామ్‌ నిర్మిస్తొన్న చిత్రంలో శృతి యుగల్‌ కథానాయిక. ఎం.వెంకట్‌ దర్శకత్వం వహించారు. ఇటీవల సెన్సార్‌ కార్యక్రమాలు పూర్తి చేసుకున్న ఈ చిత్రం మే 3న ప్రేక్షకుల ముందుకు రానుంది.

ఈ సందర్భంగా..
దర్శకుడు వెంకట్‌ మాట్లాడుతూ.. ''టెక్నాలజీ వెనుక పరుగులు పెడుతున్న నేటి తరం.. హ్యూమన్‌ రిలేషన్స్‌కు, ఎమోషన్స్‌కు ప్రాధాన్యత ఇవ్వాలన్న కథాంశంతో యూత్‌ ఫుల్‌ ఎంటర్‌టైనర్‌గా ఈ సినిమాను తెరకెక్కించాం. అమ్రీష్‌ చక్కని బాణీలు అందించారు. నేపథ్య సంగీతం సినిమాకు ప్రత్యేక ఆకర్షణగా నిలుస్తుంది. సెన్సార్‌ బోర్డ్‌ చాలా మంచి సినిమా తీశారని ప్రశంసించారు. అని వర్గాల ప్రేక్షకులు మెచ్చుకునేలా ఈ సినిమా ఉంటుంది అన్నారు.

నిర్మాత నారాయణ్‌ రామ్‌ మాట్లాడుతూ.. ''సెన్సార్‌ కార్యక్రమాలు పూర్తయ్యాయి. యు/ఏ సర్టిఫికెట్‌ వచ్చింది. దర్శకుడు ఈ సినిమాను తెరకెక్కించిన విధానం హైలెట్‌గా నిలుస్తుంది. టీఆర్ఎస్ నేత హరీష్‌ రావు విడుదల చేసిన ట్రైలర్‌కు మంచి స్పందన వచ్చింది. మే నెల 3న సినిమా సినిమా అత్యధిక థియేటర్లలో విడుదల చేస్తున్నాం'' అని చెప్పారు.