‘పడిపడి లేచె మనసు’ ట్రైలర్: అంచనాలు పెంచిన శర్వానంద్, సాయి పల్లవి!

పడి పడి లేచె మనసు

కోల్‌కతా నేపథ్యంలో సాగే ఈ ప్రేమకథా చిత్రంలో శర్వానంద్ ఫుట్‌బాల్ ప్లేయర్‌గా, సాయిపల్లవి డాక్టర్ పాత్ర కనిపించనున్నారు. ట్రైలర్ చూస్తుంటే ఇద్దరి మధ్య లవ్ కెమిస్ట్రీ బాగా వర్కౌట్ అయినట్లు స్పష్టమవుతోంది.

స్టోరీ ట్విస్ట్ ఏమిటో?

అందాల రాక్షసి, కృష్ణగాడి వీర ప్రేమగాధ, లై లాంటి చిత్రాలు రూపొందించిన హను రాఘవపూడి..... కమర్షియల్ సక్సెస్ అందుకోలేక పోయినా మేకింగ్ పరంగా మంచి గుర్తింపు తెచ్చుకున్నాడు. ముఖ్యంగా అతడి సినిమాల్లో ఉండే ట్విస్టులు ప్రేక్షకులను ఆకట్టుకుంటాయి.అయితే ‘పడి పడి లెచె మనసు' లో ఎలాంటి ట్విస్ట్ ఉండబోతోంది? అనేది ఆసక్తికరంగా మారింది.

ఎమోషనల్ లవ్ స్టోరీ

ట్రైలర్ చూస్తుంటే.... శర్వానంద్, సాయి పల్లవి మధ్య వచ్చే కొన్ని సీన్లు మనసు పిండేసేలా ఎమోషనల్‌గా ఉండబోతున్నట్లు తెలుస్తోంది. సినిమాలోని పాయింట్ ప్రేక్షకులకు కనెక్ట్ అయితే బాక్సాఫీసు వద్ద మంచి ఫలితాలు రాబట్టే అవకాశం ఉంది.

డిసెంబర్ 21న రిలీజ్

'పడి పడి లేచె మనసు డిసెంబర్ 21న ప్రేక్షకుల ముందుకు రాబోతోంది. శ్రీ ల‌క్ష్మీ వెంక‌టేశ్వ‌ర సినిమాస్ సంస్థ‌లో సుధాక‌ర్ చెరుకూరి ఈ చిత్రాన్ని నిర్మిస్తున్నారు. విశాల్ చంద్ర‌శేఖ‌ర్ సంగీతం అందిస్తున్నఈ చిత్ర పాట‌ల‌కు అద్భుత‌మైన స్పంద‌న వ‌స్తోంది.