హోమ్

లేటేస్ట్ న్యూస్

దర్శకుడు పరుశురాం పేరు ఇప్పుడు టాలీవుడ్ లో బాగా వినిపిస్తోంది. గీత గోవిందం చిత్రంతో పరుశురాం తిరుగులేని విజయాన్ని సొంతం చేసుకున్నాడు. గీత గోవిందం చిత్రం ఆ స్థాయిలో వసూళ్లు రాబడుతుందని పరుశురాం కూడా ఊహించి ఉండలేదేమో. ప్రస్తుతం పరుశురాంతో సినిమా చేయడానికి చాలా మంది స్టార్ హీరోలు ఆసక్తి చూపుతున్నారు. పరుశురాం తదుపరి చిత్రం కూడా గీత ఆర్ట్స్ బ్యానర్ లోనే ఉండబోతున్నట్లు వార్తలు వస్తున్నాయి.

ఇదిలా ఉండగా పరుశురాం నిన్ననే తన తదుపరి చిత్రం టాలీవుడ్ స్టార్ హీరోతో ఉండబోతోందని ఖరారు చేశారు. కానీ హీరో పేరు మాత్రం ప్రకటించలేదు. దీనితో పరుశురాంకు గ్రీన్ సిగ్నల్ ఇచ్చిన ఆ హీరో ఎవరు అంటూ ఊహాగానాలు జోరందుకున్నాయి. స్టైలిష్ స్టార్ అల్లు అర్జున్ తో పరుశురాం తదుపరి చిత్రం ఉండబోతోందని జోరుగా చర్చ జరుగుతోంది.

ఈ చిత్రానికి సంబంధించిన ప్రీ ప్రొడక్షన్ వర్క్ కూడా ప్రారంభమైపోయినట్లు తెలుస్తోంది. త్వరలోనే అధికారికంగా ప్రకటించబోతున్నట్లు తెలుస్తోంది. నా పేరు సూర్య చిత్రం తరువాత బన్నీ బాగా గ్యాప్ తీసుకుంటున్నాడు. సరైన కథ కోసం అన్వేషిస్తున్నాడు. మాటల మాంత్రికుడు త్రివిక్రమ్ శ్రీనివాస్ తో కూడా బన్నీ మరో చిత్రంలో నటించబోతున్నట్లు వార్తలు వస్తున్నాయి. కానీ బన్నీ ఇంతవరకు దేనిని అధికారికంగా ప్రకటించలేదు.