Don't Miss!
- Technology Nokia 225 4G 2024 మోడల్ ధర, స్పెసిఫికేషన్లు మరియు డిజైన్ లీక్! వివరాలు
- Finance IT News: టీసీఎస్ టెక్కీలకు కళ్లు బైర్లుకమ్మే షాక్.. వారికి NO వేరియబుల్ పే.. కొత్త రూల్స్..!!
- News నా తల్లి మంగళసూత్రమిస్తే, అమ్మమ్మ బంగారమిచ్చింది-మోడీకి ప్రియాంక ఘాటు కౌంటర్..!
- Sports Sachin Tendulkar: కన్నీటిని ఆపుకుంటూ సెంచరీ!
- Automobiles క్రాష్ టెస్ట్లో హోండా అమేజ్కు గట్టి షాక్.. ఆ విభాగంలో ‘0' రేటింగ్.!!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
అవి చూస్తుంటే కన్నీళ్లు ఆగడం లేదు.. ఎంతో బాధగా ఉంది.. పరుచూరి గోపాలకృష్ణ ఆవేదన
పరుచూరి పలుకులు అనే యూ ట్యూబ్ ఛానెల్ ద్వారా సినిమా సంగతులు, సినిమా యాక్టర్ల విశేషాలు, సినీ విశ్లేషణలు ప్రేక్షకులతో పంచుకుంటూ వస్తున్నారు పరుచూరి గోపాలకృష్ణ. అయితే ఆయన తన తాజా వీడియోలో ఇటీవలే అకాల మరణం పొందిన కమెడియన్ వేణు మాధవ్ గురించి స్పందిస్తూ ఆవేదన చెందారు. వివరాల్లోకి పోతే..
వేణు మాధవ్ జ్ఞాపకాలను నెమరు వేసుకుంటూ..
తెలుగు చిత్రసీమాలో ఎప్పుడూ ఎంతో యాక్టివ్గా ఉండే వేణు మాధవ్ అకాల మరణం టాలీవుడ్ ఇండస్ట్రీలో విషాదం నింపింది. ఇప్పటికీ ఆయన మరణాన్ని జీర్ణించుకోలేక పోతున్నారు పలువురు సినీ ప్రముఖులు. వేణు మాధవ్ జ్ఞాపకాలను నెమరు వేసుకుంటూ మదన పడుతున్నారు. ఈ నేపథ్యంలోనే వేణు మాధవ్ గురించి తన పరుచూరి పలుకులు ప్రోగ్రాంలో మాట్లాడారు గోపాలకృష్ణ.
కేవలం టాలెంట్.. ఇంకేమీ లేదు
కమెడియన్గా వెండితెర ప్రయాణాన్ని ప్రారంభించిన వేణుమాధవ్, తనదైన ప్రత్యేకతను చాటుకున్నాడని పరుచూరి అన్నాడు. కేవలం టాలెంట్తో ఆయన అంతెత్తుకు ఎదిగాడని తెలిపారు. తనదైన బాడీ లాంగ్వేజ్తో డైలాగ్ డెలివరీతో గమ్మత్తు చేసే టాలెంట్ వేణు మాధవ్ సొంతమని ఆయన చెప్పారు. రాజమౌళి సినిమాల్లో సైతం తన బ్లాకు కామెడీకి ఎంతో పేరు వచ్చిందని అన్నారు.
చూస్తుంటే కన్నీళ్లు ఆగడం లేదు
'లక్ష్మీ' సినిమాకు గాను వేణు మాధవ్కి మంచి గుర్తింపు, అవార్డు వచ్చిన సంగతి తెలిసిందే. ఈ సినిమాలో తెలంగాణ శకుంతలతో కలిసి ఆయన చేసిన కామెడీ అంతా ఇంతా కాదు. వాటిని గుర్తు చేసుకుంటూ ఆవేదన చెందారు పరుచూరి గోపాలకృష్ణ. 'లక్ష్మీ' సినిమాలో వేణు మాధవ్ పండించిన కామెడీ తాలూకు క్లిప్పింగ్స్ టీవీలో చూస్తుంటే కన్నీళ్లు ఆగడం లేదని ఆయన చెప్పరు.
చాలా బాధగా ఉంది.. గుండె తరుక్కుపోతోంది
తెలుగు చిత్రపరిశ్రమలో ఇలా కమెడియన్స్ అంతా ఒకరి తరువాత ఒకరుగా కనుమరుగై పోతుండటం చూస్తుంటే ఎంతో బాధనిపిస్తోందని పరుచూరి అన్నారు. చిన్న వయసులోనే వేణుమాధవ్ చనిపోవడం, ఆయన తల్లి తల్లడిల్లిపోవడం చూసి గుండె తరుక్కుపోతోందని చెబుతూ ఆవేదన చెందారు పరుచూరి.
చిన్న, పెద్ద అందరు నటులతో
వేణు మాధవ్ చిన్న, పెద్ద అనే తేడా లేకుండా అందరు నటులతో ఎంతో స్నేహ భావంతో మెదిలేవారని ఆయన మరణానంతరం చాలామంది నటీనటులు చెప్పారు. ఎప్పుడూ నవ్వుతూ నవ్విస్తూ ఉండే వేణు మాధవ్ మరణం తెలుగు సినిమా పరిశ్రమకు తీరని లోటు అని పేర్కొన్నారు.