భీష్మ మూవీ భేష్.. నితిన్‌, వెంకీ, వంశీకి పవన్ కల్యాణ్ అభినందన..

Recommended Video

Pawan Kalyan Appreciates Nithiin And Bheeshma Team | Filmibeat Telugu

పవన్ కల్యాణ్‌ను కలిసిన నితిన్

పవర్ స్టార్ పవన్ కల్యాణ్‌కు హీరో నితిన్ అభిమాని అనే సంగతి తెలిసిందే. తనకు ఇష్టమైన హీరోను కలిసేందుకు ఎప్పుడూ ఉత్సాహంగా ఉంటారు. సందర్భం ఏదైనా తన హీరో గురించి మాట్లాడకుండా ఉన్న క్షణాలు తక్కువే కనిపిస్తాయి. అలాంటి క్రమంలో భారీ హిట్‌ను అందుకొన్న సందర్భంలో పవన్ కలిసి అభినందనలు అందుకొన్నారు.

భీష్మ టీమ్‌పై ప్రశంసల వర్షం

భీష్మ బ్లాక్ బస్టర్ విజయాన్ని అందుకొంటున్న తనను కలిసిన నిర్మాత నాగవంశీని, దర్శకుడు వెంకీ కుడుమలను పవన్ కల్యాణ్ సాధారంగా ఆహ్వానించి అభినందించారు. మంచి సినిమాను రూపొందించి ప్రేక్షకుల మన్ననలు అందుకోవడంపై పవన్ సంతోషాన్ని వ్యక్తం చేశారని, మున్ముందు రికార్డు కలెక్షన్లు సాధించాలని కోరుకొన్నట్టు నిర్మాత, దర్శకుడు తెలిపారు.

మూడు రోజుల్లో కుమ్మేసిన కలెక్షన్లు

భీష్మ చిత్రం గత మూడు రోజుల్లో భారీ వసూళ్లు నమోదు చేసింది. ప్రపంచవ్యాప్తంగా ఈ చిత్రం రూ.32 కోట్ల గ్రాస్, రూ.19 కోట్ల షేర్‌ను సొంతం చేసుకొన్నది. ఈ చిత్రం రూ.23 కోట్ల షేర్ సాధిస్తే లాభాల్లోకి ప్రవేశిస్తుందని ట్రేడ్ వర్గాలు వెల్లడించాయి.

భీష్మ ప్రీ రిలీజ్ బిజినెస్ ఎంతంటే..

ఇక భీష్మ చిత్రం ఏపీ, తెలంగాణలో భారీగానే ప్రీ రిలీజ్ బిజినెస్ చేసింది. ఏపీ, తెలంగాణలో రూ.18 కోట్లు, కర్ణాటక, రెస్టాఫ్ ఇండియాలో రూ.1.55 కోట్లు, ఓవర్సీస్‌లో రూ.2.5 కోట్లు వసూలు చేసింది. దాంతో మొత్తంగా ఈ చిత్రం రూ.22 కోట్ల ప్రీ రిలీజ్ బిజినెస్ చేసింది.