Hari Hara Veera Mallu Power Glance: యూట్యూబ్​ను షేక్​ చేస్తోన్న పవన్​ కల్యాణ్​ వీడియో​..

ఒక్కొక్కటిగా అప్​డేట్..

పవర్​ స్టార్​ పవన్​ కల్యాణ్ కొత్త సినిమా వస్తుందంటే చాలు ఆయన అభిమానులు పండుగ చేసుకుంటున్నారు. పవన్​ కల్యాణ్ సినిమా అంటే చాలు ఎక్కడ లేని క్రేజ్​ వస్తుంది. ప్రస్తుతం పవన్​ కల్యాణ్ నటించిన తాజా చిత్రం హరిహర వీరమల్లు. ఈ సినిమాపై అంతకుమించి అంచనాలు ఉన్నాయి. ఈ అంచనాలను దృష్టిలో పెట్టుకుని సినిమాకు సంబంధించిన అప్​డేట్స్​ను ఒక్కొక్కటిగా వదులుతున్నారు.

24 గంటల్లోనే..

సెప్టెంబర్​ 2 అంటే శుక్రవారం పవన్ కల్యాణ్ బర్త్​డే సందర్భంగా హరిహర వీరమల్లు నుంచి పవర్​ గ్లాన్స్​ పేరిట ఒక టీజర్​ను విడుదల చేశారు. ఈ టీజర్​ అద్భుతంగా ఉండి నెటిజన్ల నుంచి అదిరిపోయే టాక్ వస్తుంది. ఎంతలా అంటే హరిహర వీరమల్లు పవర్ గ్లాన్స్​ విడుదలైన 24 గంటల్లోనే 10 లక్షల వీక్షణలు పొంది రికార్డు క్రియేట్ చేసింది. అంతేకాకుండా ప్రస్తుతం యూట్యూబ్​లో హ్యాష్​ నెంబర్​ వన్​ ట్రెండింగ్​లో దూసుకుపోతోంది.

యూట్యూబ్​ షేక్​

పవన్​ కల్యాణ్​ స్టార్​డమ్​ను తలపించేలా హరిహర వీరమల్లు పవర్ గ్లాన్స్​ యూట్యూబ్​ను షేక్​ చేస్తోంది. దీనికి సంబంధించిన పోస్టర్​ను మేకర్స్​ తాజాగా విడుదల చేశారు. ఇక టీజర్ విషయానికొస్తే.. గ్లాన్స్ టీజర్ లో ప్రత్యేకంగా పవన్ కళ్యాణ్ తొడగొడుతూ మరి సవాల్ విసరడం వంటి సన్నివేశాలు కూడా చాలా అద్భుతంగా ఉన్నాయి.

హైలెట్​గా కీరవాణి బీజీఎం..

పవన్ కళ్యాణ్ ఇందులో గతంలో ఎప్పుడు లేని విధంగా సరికొత్త గెటప్ లో కనిపిస్తూ ఉండడం అలాగే మల్లయోధుడిని ఎత్తి అవతలపడేయడం వంటి అంశాలు హైలైట్ అవుతున్నాయి. టీజర్​ చూస్తూ ఉంటే సినిమా మాత్రం తప్పకుండా బాక్సాఫీస్ వద్ద సరికొత్త సెన్సేషన్ క్రియేట్ చేస్తుంది అని అనిపిస్తుంది. ఇక ఈ టీజర్ కు తోడుగా ఎంఎం కీరవాణి ఇచ్చిన బ్యాగ్రౌండ్ మ్యూజిక్ కూడా అద్భుతంగా ఉంది.

ఐకానిక్​ ప్రదేశాలకు సంబంధించి..

చారిత్రాత్మక అంశాలు ఈ సినిమాలో చాలా బలంగా ఉండనున్నట్లు తెలుస్తోంది. అంతేకాకుండా చార్మినార్ గండికోట వంటి ఎన్నో ఐకానిక్ ప్రదేశాలకు సంబంధించిన అంశాలను దర్శకుడు క్రిష్ ఈ సినిమాలో హైలెట్ చేయబోతున్నట్లు తెలుస్తోంది. ముఖ్యంగా భాగ్యనగరం ప్రతిష్టాపన సమయంలో చోటు చేసుకున్న కొన్ని విభిన్నమైన సంఘటనలు కూడా ఈ సినిమాలో చూపించనున్నారని టాక్.

కెరీర్​లో ఇదే తొలిసారి..

పవన్ కళ్యాణ్ తన సినిమా కెరీర్ మొత్తంలో కూడా ఇప్పటివరకు ఒక చారిత్రాత్మక నేపథ్యంలో సినిమాలు చేసింది లేదు. మొదటిసారి విలక్షణమైన దర్శకుడు క్రిష్ దర్శకత్వంలో అలాంటి కథను తెరపైకి తీసుకు వస్తున్నాడు. ఈ సినిమా తప్పకుండా 2023 సమ్మర్​లో విడుదలవుతుంది అని కూడా ఒక అప్డేట్ అయితే ఇచ్చారు.