Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
పవన్ కల్యాణ్ - హరీశ్ శంకర్ మూవీ అప్డేట్: షురూ అయ్యేది అప్పటి నుంచేనట
రీఎంట్రీలో ఫుల్ స్పీడుతో దూసుకుపోతున్నాడు పవర్ స్టార్ పవన్ కల్యాణ్. త్రివిక్రమ్ శ్రీనివాస్ రూపొందించిన 'అజ్ఞాతవాసి' తర్వాత రాజకీయాల్లోకి ఎంటర్ అయిన ఆయన.. చాలా కాలం తర్వాత 'వకీల్ సాబ్' అనే మూవీతో కమ్బ్యాక్ అవుతున్నాడు. ఈ సినిమా పట్టాలపై ఉండగానే క్రిష్ జాగర్లమూడితోనూ, హరీశ్ శంకర్తోనూ సినిమాలను ప్రకటించాడు. ఆ తర్వాత 'అయ్యప్పనుమ్ కోషియుమ్' రీమేక్ ప్రకటించి.. దాన్ని వెంటనే ప్రారంభించాడు. ఈ సినిమాల షూటింగ్లు ఒక్కొక్కటిగా పూర్తి చేసేలా ప్లాన్ చేస్తున్నాడు. ఈ నేపథ్యంలో పవన్ కొత్త సినిమా అప్డేట్ వచ్చింది.
'గబ్బర్ సింగ్' వంటి బ్లాక్ బస్టర్ హిట్ తర్వాత హరీశ్ శంకర్తో పవన్ కల్యాణ్ సినిమా చేయబోతున్న విషయం తెలిసిందే. ఎప్పుడో ప్రకటించినప్పటికీ.. అనివార్య కారణాల వల్ల ఇది ఇంకా పట్టాలెక్కలేదు. దీంతో క్రేజీ కాంబోపై అంతా ఆసక్తిగా ఎదురు చూస్తున్నారు. ఈ నేపథ్యంలో ఈ సినిమా పూజా కార్యక్రమాలు జూన్ మొదటి వారంలో జరపబోతున్నట్లు ఓ న్యూస్ తాజాగా బయటకు వచ్చింది. ఆ తర్వాత కొంత గ్యాప్ తీసుకుని రెండో వారం కానీ, మూడో వారం నుంచి కానీ రెగ్యూలర్ షూటింగ్ మొదలు పెడతారని తెలుస్తోంది. అప్పటి నుంచి ఏకధాటిగా చిత్రీకరణ జరపాలని చిత్ర యూనిట్ భావిస్తున్నట్లు తెలిసింది.
హరీశ్ శంకర్ దర్శకత్వంలో పవన్ కల్యాణ్ నటించే ఈ సినిమాను మైత్రీ మూవీ మేకర్స్ సంస్థ నిర్మిస్తోంది. PSPK28గా ఇది రూపొందనుంది. ఈ మూవీ టైటిల్, నటీనటుల విషయంలో ఎన్నో ఊహాగానాలు వ్యక్తం అవుతున్నా.. ఏదీ ఫిక్స్ చేయలేదని చిత్ర యూనిట్ కొద్ది రోజుల క్రితమే వెల్లడించింది. ఇదిలా ఉండగా.. వకీల్ సాబ్ మూవీ ఏప్రిల్ 9న విడుదల కానుంది. ఆ తర్వాత క్రిష్ తెరకెక్కిస్తోన్న సినిమాకు 'హరిహర వీరమల్లు' అనే టైటిల్ ఫిక్స్ చేశారు. ఈ రెండింటితో పాటు సాగర్ కే చంద్ర రూపొందిస్తోన్న 'అయ్యప్పనుమ్ కోషియుమ్' శరవేగంగా షూట్ జరుపుకుంటోంది.