రివ్యూ మీటింగులో అభిమానులకు షాకింగ్ న్యూస్ చెప్పిన పవన్ కళ్యాణ్!

గతంలో ప్రయత్నాలు జరిగిన మాట నిజమే కానీ...

‘గోపాల గోపాల' ఫేం డైరెక్టర్ డాలీతో మరో సినిమా చేయడానికి అప్పట్లో ప్రయత్నాలు జరిగిన సంగతి తెలిసిందే. నిర్మాత రామ్ తాళ్లూరి ఎన్నికల తర్వాత ఈ ప్రాజెక్ట్ లాంచ్ చేయబోతున్నట్లు పుకార్లు షికార్లు చేస్తున్నాయి. అయితే ఇందులో నిజం లేదు అనేది పవన్ సన్నిహితుల వాదన. గతంలో సినిమా ప్రయత్నాలు జరిగిన మాట వాస్తవమే... కానీ పవన్ రాజకీయాల్లో బిజీ అయిన తర్వాత ఆ ప్రయత్నం విరమించుకున్నారని స్పష్టం చేస్తున్నారు.

నాగబాబు సైతం క్లారిటీ ఇచ్చారు

పవన్ కళ్యాణ్ సోదరుడు నాగ బాబు సైతం ఇటీవల ఇంటర్వ్యూలో పవన్ కళ్యాణ్ సినిమాలు చేయడంపై క్లారిటీ ఇచ్చారు. కళ్యాణ్ బాబుకు మళ్లీ సినిమాల వైపు వచ్చే ఆలోచన లేదని స్పష్టం చేశారు. తన తమ్ముడిని రాజకీయాల్లో అన్ పాపులర్ చేయడానికే ఇలాంటి వార్తలు క్రియేట్ చేస్తున్నారని ఆయన తెలిపారు.

ఎవరెన్ని చెప్పినా అభిమానుల్లో ఏదో చిన్న ఆశ

స్వయంగా పవన్ కళ్యాణ్ నుంచి ఎలాంటి ప్రకటన రాలేదు కాబట్టి... జనసేన పార్టీ శ్రేణులు కానీ, నాగబాబు చెప్పిన విషయాలు కానీ అభిమానుల చెవికెక్కడం లేదు. పవర్ స్టార్ మళ్లీ సినిమాల్లోకి తిరిగి వస్తారనే ఆశ అలాగే ఉండి పోయింది. పవన్ కళ్యాణ్ రాజకీయాల్లో కొనసాగుతూనే సినిమాలు చేస్తారనే నమ్మకంతో చాలా మందిలో బలంగా నాటుకుపోయింది.

రివ్యూ మీటింగులో అభిమానులకు షాకింగ్ న్యూస్ చెప్పిన పవన్ కళ్యాణ్!

ఎట్టకేలకు పవన్ కళ్యాణ్ తన సినిమా రీ ఎంట్రీపై క్లారిటీ ఇచ్చారు. ఆదివారం గుంటూరు జరిగిన జనసేన రివ్యూ మీటింగులో మాట్లాడుతూ... రాబోయే 25 ఏళ్లలో రాజకీయాల్లో సమూల మార్పులు తేవడమే జనసేన లక్ష్యమని తెలిపారు. తాను రాజకీయాల నుంచి బ్రేక్ తీసుకోబోతున్నట్లు మీడియాలో వస్తున్న వార్తలను అభిమానులు, జనసేన సానుభూతి పరులు నమ్మవద్దని స్పష్టం చేశారు.

సినిమాల వైపు వచ్చే మూడ్ లేనట్లేనా?

పవన్ కళ్యాణ్ స్టేట్మెంట్ చూస్తుంటే ఆయనకు సినిమాల్లో వచ్చే ఆలోచన ఏ మాత్రం లేదని స్పష్టమవుతోంది. మళ్లీ ముఖానికి రంగేసుకుంటే ఇతర పార్టీల వారు విమర్శలు చేయడానికి అవకాశం ఇచ్చినట్లు ఉంటుందని, ప్రజల్లోనూ తనపై నమ్మకం తగ్గుతుందనే ఉద్దేశ్యంతో ఆయన ఈ కఠిన నిర్ణయం తీసుకున్నట్లు తెలుస్తోంది.