అల్లు అర్జున్‌కి పవన్ కళ్యాణ్ సందేశం.. వెంటనే రియాక్ట్ అయిన బన్నీ.. ఇష్యూ హాట్ టాపిక్

'అల.. వైకుంఠపురములో' సక్సెస్.. సెలబ్రిటీ విషెస్

అల్లు అర్జున్- త్రివిక్రమ్ కాంబోలో హాట్రిక్ మూవీగా వచ్చిన 'అల.. వైకుంఠపురములో' సక్సెస్ కావడంతో పలువురు సినీ ప్రముఖులు ఆయనకు ప్రత్యేకంగా అభినందనలు తెలుపుతున్నారు. ఇప్పటికే స్టార్ హీరో జూనియర్ ఎన్టీఆర్ తన విషెస్ తెలుపుతూ ''కంగ్రాట్స్ బావా'' అనేశాడు.

పవన్ కళ్యాణ్ సందేశం.. అలా సంబోధిస్తూ

ఇక తాజాగా పవర్ స్టార్ పవన్ కళ్యాణ్ సైతం అల్లు అర్జున్‌కి అభినందనలు తెలుపుతూ పూలబొకేతో సందేశం ఇచ్చారు. స్వయంగా లెటర్ రాసిన పవన్.. బన్నీని గౌరవనీయులైన అల్లు అర్జున్‌ గారు అని సంబోధించడం హాట్ టాపిక్ అయింది.

బన్నీకి పవన్ విషెస్.. ఆల్ ది బెస్ట్

''గౌరవనీయులైన అల్లు అర్జున్ గారూ.. 'అల.. వైకుంఠపురములో' ఘన విజయం సాధించిన సందర్భంగా మీకు ప్రత్యేక శుభాకాంక్షలు. భవిష్యత్‌లో మీ ప్రాజెక్ట్స్ మరింత సక్సెస్ కావాలని కోరుకుంటున్నా. ఆల్ ది బెస్ట్'' అని పేర్కొంటూ బన్నీకి పవన్ విషెస్ చెప్పారు. ఈ విషయాన్ని తన సోషల్‌ మీడియా ఖాతా ద్వారా అభిమానులతో పంచుకున్నాడు అల్లు అర్జున్.

రియాక్ట్ అయిన బన్నీ.. ఏమన్నారంటే

పవన్ పంపిన ఈ సందేశంపై రియాక్ట్ అయిన బన్నీ.. `పవన్‌ కళ్యాణ్‌ గారి నుంచి శుభాకాంక్షలు రావటం ఎంతో సంతోషంగా ఉంది. థ్యాంక్యూ వెరీ మచ్‌ పవన్‌ కళ్యాణ్‌ గారు` అంటూ ట్వీట్ పెట్టారు. దీంతో ఈ మామాఅల్లుళ్ళ మధ్య జరిగిన ఈ సంభాషణపై ఆసక్తికర చర్చ జరుగుతోంది. ఫిలింనగర్ సర్కిల్స్‌లో ఈ సంభాషణపై పలు రకాలుగా చర్చించుకుంటున్నారు.

Recommended Video

Ala Vaikunthapurramuloo Genuine Public Talk

Soo overwhelmed to see this coming from PSPK garu himself . Very touched by the graceful gesture... Thank you very @PawanKalyan garu. pic.twitter.com/hrYwqoGiri — Allu Arjun (@alluarjun) January 13, 2020

'అల.. వైకుంఠపురములో' మూవీ

గీత ఆర్ట్స్, హారిక అండ్ హాసిని క్రియేషన్స్ సంయుక్త సమర్పణలో 'అల.. వైకుంఠపురములో' మూవీ రూపొందింది. ఈ సినిమాలో అల్లు అర్జున్ సరసన పూజా హెగ్డే హీరోయిన్‌గా నటించింది. టబు, రాజేంద్రప్రసాద్, తనికెళ్ల భరణి సుశాంత్, నివేతా పేతురాజ్, సునీల్, బ్రహ్మాజీ, నవదీప్, సముద్రఖని ముఖ్యపాత్రలు పోషించారు.