పవన్ కళ్యాణ్ రఫ్ఫాడించే టైమ్ వచ్చింది... వరుసగా ఆరు అదిరిపోయే సర్‌ప్రైజ్‌లు!

వరుసగా అప్డేట్స్

అయితే నెక్స్ట్ ప్రభాస్ కాస్త ఆలస్యంగా అప్డేట్స్ కొనసాగించే అవకాశం ఉన్నట్లు తెలుస్తోంది. ఇక పవన్ కళ్యాణ్ అభిమానుల్లో మాత్రం అప్పుడే సందడి మొదలైంది. ఆయన పుట్టినరోజు సందర్భంగా వరుసగా అప్డేట్స్ రాబోతున్నాయి.
పవర్ స్టార్ పవన్ కళ్యాణ్ గతంలో ఎప్పుడూ లేని విధంగా సరికొత్త సినిమాలను లైన్ లో పెట్టాడు. రాజకీయాల కంటే ముందు వరకు కూడా పవర్ స్టార్ ఏడాదికి ఒక్క సినిమా మాత్రమే చేస్తూ వచ్చాడు. ఇక సినిమాలకు ఆల్ మోస్ట్ గుడ్ బై చెప్పినట్లు అభిమానులు కంగారు పడుతున్న సమయంలో మళ్లీ వెండితెరపైకి అదే స్టామినాతో వచ్చాడు.

ఎంతో ఆతృతగా..

మొత్తానికి వకీల్ సాబ్ సినిమాతో తన బాక్సాఫీస్ రేంజ్ మాత్రం తగ్గలేదని నిరూపించాడు. ఇక ప్రస్తుతం పవర్ స్టార్ అభిమానులు నెక్స్ట్ సినిమాలకు సంబంధించిన అప్డేట్స్ కోసం ఎంతో ఆతృతగా ఎదురుచూస్తున్నారు. పవన్ కళ్యాణ్ ప్రస్తుతం మలయాళం హిట్ మూవీ అయ్యప్పనుమ్ కొశీయుమ్ రీమేక్ తో బిజీగా ఉన్న విషయం తెలిసిందే. సాగర్ చంద్ర దర్శకత్వంలో తెరకెక్కుతున్న ఈ సినిమాకు మాటల మాంత్రికుడు త్రివిక్రమ్ డైలాగ్స్ రాస్తున్నారు ఒక విధంగా త్రివిక్రమ్ ఆ సినిమాకు దర్శకత్వం పర్యవేక్షకుడిగా కూడా ఉన్నట్లు ఇండస్ట్రీ టాక్ వినిపిస్తోంది.

ముహూర్తం ఫిక్స్

ఆ విషయాన్ని పక్కన పెడితే ఈ సినిమాలో రానా దగ్గుబాటి పవన్ కళ్యాణ్ తో సమానంగా మరొక పవర్ఫుల్ పాత్రలో కనిపించనున్న విషయం తెలిసిందే. ఇక ఈ సినిమాకు సంబంధించిన అసలు టైటిల్ పోస్టర్ ను కూడా విడుదల చేసేందుకు సిద్ధమయ్యారు. అందుకోసం ఆగస్టు 15న ఉదయం 10 గంటల 45 నిమిషాలకు మూర్తం కూడా ఫిక్స్ చేసుకున్నారు.
సెప్టెంబర్ 2న పవర్ స్టార్ పవన్ కళ్యాణ్ పుట్టిన రోజు అని అందరికీ తెలిసిందే. ఆరోజు పవర్ స్టార్ అభిమానులు పుట్టినరోజు సెలబ్రేషన్స్ గ్రాండ్ గా నిర్వహించాలని అనుకుంటున్నారు.

వరసగా ఆరు స్పెషల్ అప్డేట్స్

తప్పకుండా సినిమాలకు సంబంధించిన అప్డేట్స్ ఉంటాయని గట్టి నమ్మకంతో కూడా ఉన్నారు. ఇక అయ్యప్పనుమ్ కొశీయుమ్ రీమేక్ నుంచి మొదలుపెడితే పవన్ కళ్యాణ్ పుట్టిన రోజు వరకు వరసగా ఆరు స్పెషల్ అప్డేట్స్ రాబోతున్నట్లు సమాచారం. ఆ రీమేక్ సినిమా టైటిల్ గా 'భీమ్లా నాయక్' పోస్టర్ ను రెడీ చేసినట్లు సమాచారం. సినిమా ఫస్ట్ లుక్ తో పాటు మొదటి పాటను కూడా విడుదల చేసేందుకు ప్రయత్నాలు చేస్తున్నారు.

మేకింగ్ వీడియోను కూడా

మరోవైపు పవన్ కళ్యాణ్, క్రిష్ దర్శకత్వంలో హిస్టారికల్ సినిమాను చేస్తున్న విషయం తెలిసిందే. హరిహర వీరమల్లు అనే టైటిల్ తో రూపొందుతున్న ఆ సినిమా పై కూడా అంచనాలు గట్టిగానే ఉన్నాయి. ప్రాజెక్టుకు సంబంధించిన మేకింగ్ వీడియోను కూడా పవన్ కళ్యాణ్ పుట్టిన రోజు సందర్భంగా విడుదల చేసే అవకాశం ఉన్నట్లు తెలుస్తోంది. పవన్ కళ్యాణ్ హరీష్ శంకర్ దర్శకత్వంలో చేయబోయే సినిమా షూటింగ్ కూడా త్వరలోనే మొదలు కానుంది ఆ సినిమాకు సంబంధించిన ఫస్ట్ లుక్ రిలీజ్ చేయవచ్చని టాక్ అయితే వస్తోంది.

Recommended Video

Vihari tweets about Pspk rana movie | Filmibeat Telugu

మరో రెండు అప్డేట్స్ ఏంటి?

ఈ నాలుగు రకాల అప్డేట్స్ తో పాటు మరొక రెండు అప్డేట్స్ ఏమిటనేవి ఇప్పుడు హాట్ టాపిక్ గా మారాయి. ఈ సినిమాలతో పాటు పవన్ కళ్యాణ్ డైరెక్టర్ సురేందర్ రెడ్డి దర్శకత్వంలో ఒక సినిమా చేయడానికి గ్రీన్ సిగ్నల్ ఇచ్చిన విషయం తెలిసిందే కానీ ఆ సినిమా పై ఇప్పటివరకు ఎలాంటి క్లారిటీ అయితే లేదు. కేవలం ఒక కమిట్మెంట్ మాత్రమే తీసుకున్నారు. కానీ పూర్తి కథ ఇంకా సిద్ధం కాలేదని తెలుస్తోంది. ప్రస్తుతం సురేందర్ రెడ్డి అయితే అఖిల్ తో ఏజెంట్ అనే సినిమా చేస్తున్న విషయం తెలిసిందే. ఆ సినిమా పూర్తయ్యే సరికి ఏడాది సమయం పడుతుంది. ఇక పవన్ కళ్యాణ్ తో సినిమా అంటే రెండేళ్లు ఆగాల్సిందే. అలాగే గబ్బర్ సింగ్ నిర్మాత కూడా ఓ సినిమా చేసేందుకు పవన్ కళ్యాణ్ గ్రీన్ సిగ్నల్ ఇచ్చాడు. మరి ఆ ప్రాజెక్టు పై ఏదైనా క్లారిటీ వస్తుందో లేదో చూడాలి.