Peddi: ప్రీమియర్ల టాక్‌తోనే పెద్ది భవిష్యత్.. రాంచరణ్‌కు అగ్నిపరీక్ష

మెగా పవర్ స్టార్ రామ్ చరణ్, జాన్వీ కపూర్ జంటగా నటించిన భారీ యాక్షన్ డ్రామా పెద్ది సినిమా సందడి తెలుగు రాష్ట్రాల్లో మొదలైంది. జూన్ 3వ తేదీ రాత్రి 8 గంటల నుంచే ఆంధ్రప్రదేశ్‌లో పెయిడ్ ప్రీమియర్స్ ప్రారంభం కానున్నాయి. ఈ క్రేజీ పెయిర్ వెండితెరపై ఎలా ఉంటుందో చూడాలని ఫ్యాన్స్ ఆత్రుతగా ఎదురుచూస్తున్నారు. తెలుగు రాష్ట్రాల్లో ఇప్పుడు ఎక్కడ చూసినా ఈ సినిమా గురించే చర్చ నడుస్తోంది.

ముఖ్యంగా విజయవాడ, హైదరాబాద్ లాంటి నగరాల్లో 'పెద్ది' మేనియా పీక్స్‌కు చేరింది. థియేటర్ల దగ్గర ఫ్యాన్స్ హంగామా మామూలుగా లేదు. అడ్వాన్స్ బుకింగ్స్ ఓపెన్ అయిన నిమిషాల్లోనే టికెట్లు హాట్ కేకుల్లా అమ్ముడయ్యాయి. ఇక ఏపీ ప్రభుత్వం కూడా ఈ సినిమాకు గుడ్ న్యూస్ చెప్పింది. మొదటి వారం టికెట్ రేట్లు పెంచుకునేందుకు అధికారికంగా అనుమతినిచ్చింది. దీనివల్ల భారీ బడ్జెట్‌తో తెరకెక్కిన ఈ సినిమాకు మంచి వసూళ్లు వచ్చే అవకాశం ఉంది.

ఏపీలో పెరిగిన టికెట్ ధరలు.. అడ్వాన్స్ బుకింగ్స్ జోరు

ఈ స్పోర్ట్స్ డ్రామాను అందరికంటే ముందే చూడాలని ఫ్యాన్స్ ఎంతైనా ఖర్చు చేసేందుకు సిద్ధమయ్యారు. ఏపీలోని సింగిల్ స్క్రీన్స్, మల్టీప్లెక్స్‌లలో టికెట్ ధరలు గణనీయంగా పెరిగాయి. ప్రభుత్వం ఒక్కో టికెట్‌పై 60 రూపాయల వరకు పెంచుకునేందుకు గ్రీన్ సిగ్నల్ ఇచ్చింది. పెద్ద సినిమాలకు ఇలాంటి మద్దతు లభించడం వల్ల డిస్ట్రిబ్యూటర్లకు, నిర్మాతలకు ఎంతో ఊరట లభిస్తుంది. ఇలాంటి చర్యలు భారీ ప్రాజెక్టులకు ఆర్థికంగా ఎంతో మేలు చేస్తాయి.

విజయవాడలో 'పెద్ది' సందడి.. రాత్రి నుంచే ప్రీమియర్స్

'పెద్ది' సినిమా హంగామాకు విజయవాడ కేరాఫ్ అడ్రస్‌గా మారింది. థియేటర్ల దగ్గర జనాన్ని కంట్రోల్ చేయడానికి పోలీసులు ట్రాఫిక్ ఆంక్షలు విధిస్తూ పర్యవేక్షిస్తున్నారు. రాత్రి 8 గంటలకు పడే పెయిడ్ ప్రీమియర్స్ సరికొత్త రికార్డులు సృష్టిస్తాయని ట్రేడ్ వర్గాలు భావిస్తున్నాయి. తమ అభిమాన హీరోల కోసం ఫ్యాన్స్ ఇప్పటికే భారీ ర్యాలీలు, పాలాభిషేకాలు ప్లాన్ చేసి పండుగ వాతావరణం నెలకొల్పారు.

తెలంగాణలో బుకింగ్స్ పరిస్థితి ఏంటి?

తెలంగాణలో కూడా బుకింగ్స్ మందకోడిగా మొదలయ్యాయి. థియేటర్లు నింపాదిగా నిండిపోతున్నాయి. హైదరాబాద్‌లో పెయిడ్ ప్రీమియర్స్ తక్కువగా ఉన్నప్పటికీ, రేపు ఉదయం షోల కోసం క్రేజ్ అంతగా కనిపించడం లేదు. ప్రస్తుత ట్రెండ్ చూస్తుంటే మొదటి రోజు వసూళ్లు అంతంత మాత్రంగానే ఉన్నాయని ట్రేడ్ నిపుణులు అంచనా వేస్తున్నారు. రామ్ చరణ్ - జాన్వీ కపూర్ కెమిస్ట్రీ ఫ్యామిలీ ఆడియన్స్‌ను కూడా థియేటర్లకు రప్పించే ప్రయత్నం చేస్తున్నది.

ఫస్ట్ టాక్ ఎలా ఉండబోతోంది?

ప్రీమియర్ షోల టాక్ మీదనే పెద్ది సినిమా బాక్సాఫీస్ భవిష్యత్తు ఆధారపడి ఉంది. రాత్రి 8 గంటల కోసం మెగా ఫ్యాన్స్ కళ్లు కాయలు కాచేలా ఎదురుచూస్తున్నారు. ఈ కమర్షియల్ బ్లాక్ బస్టర్ పై అంచనాలు ఆకాశాన్ని తాకుతున్నాయి. ఈ సినిమా హిట్ అయితే రామ్ చరణ్, జాన్వీ కపూర్ కెరీర్‌లో మరో మైలురాయిగా నిలిచిపోవడం ఖాయం. గేమ్ ఛేంజర్ డిజాస్టర్ తర్వాత ఈ సినిమా రాంచరణ్‌ స్టామినాకు అగ్ని పరీక్షగా మారింది అనే కామెంట్స్ వినిపిస్తున్నాయి.