#PKSDT థియేటర్లలో పవన్ కల్యాణ్ సునామీ.. వినోద సీతమ్ రీమేక్ రిలీజ్ ఎప్పుడంటే?

పవన్, సాయిధరమ్ తేజ్ సోషియో ఫాంటసీ

దక్షిణాది నటుడు, దర్శకుడు సముద్రఖని డైరెక్షన్‌లో తెరకెక్కిన సోషియో ఫాంటసీ చిత్రం వినోదయ సీతమ్ తమిళంలో భారీ విజయాన్ని అందుకొన్నది. ఈ సినిమాను సాయిధరమ్ తేజ్, పవన్ కల్యాణ్ కాంబినేషన్‌లో సముద్రఖని స్వయంగా తెరకెక్కిస్తున్నారు. ఇటీవల ఈ సినిమా పూజా కార్యక్రమాలను నిరాడంబరంగా నిర్వహించారు.

త్రివిక్రమ్ శ్రీనివాస్ సహకారం

వినోదయ సీతమ్ సినిమా రీమేక్‌కు సంబంధించి.. త్రివిక్రమ్ శ్రీనివాస్ కథ, మాటల సహకారం అందిస్తున్నారు. ఈ సినిమాను జూలై 28వ తేదీన ప్రపంచవ్యాప్తంగా రిలీజ్ చేయాలని ముహుర్తం నిర్ణయించారు. ఈ మేరకు పీపుల్స్ మీడియా, జూ స్టూడియోస్ సంయుక్తంగా అధికారిక ప్రకటన చేశారు.

జూలై 28వ తేదీన రిలీజ్

#PKSDT మూవీ చిత్రం జూలై 28వ తేదీన థియేటర్లలో సునామీ సృష్టించడానికి రెడీ అవుతున్నది. ఈ సినిమాకు సంబంధించిన అప్‌డేట్స్‌ మిమ్మల్ని ఉత్సాహపరచడానికి రెడీ అయ్యాయి అని ఓ ప్రకటనలో నిర్మాతలు తెలిపారు.

వినోదయ సీతమ్ రీమేక్‌లో ఎవరెవరంటే?

వినోదయ సీతమ్ రీమేక్‌లో పవన్ కల్యాణ్, సాయిధరమ్ తేజ్, కేతిక శర్మ, రోహిణి, బ్రహ్మానందం, తనికెళ్ల భరణి, సుబ్బరాజు, రాజా చెంబోలు, ప్రియా ప్రకాశ్ వారియర్ తదితరులు నటిస్తున్నారు. ఈ సినిమాకు సంబంధించిన సాంకేతిక వర్గానికి సంబంధించిన విషయాలు త్వరలోనే వెల్లడించనున్నారు.