హోమ్

లేటేస్ట్ న్యూస్

పాపులర్ బెంగాల్ యాక్టర్, పార్లమెంట్ సభ్యురాలు నుస్రత్ జహాన్ మతానికి సంబంధించిన భావాలను పక్కన పెట్టి గణేష్ చతుర్థి పండుగ శుభాకాంక్షలు తెలియజేయడం మరోసారి చర్చకు దారి తీసింది. వినాయక చవితి శుభాకాంక్షలు తెలియజేస్తూ బాలీవుడ్, ఇతర సినీ ప్రముఖులతోపాటు నుస్రత్ కూడా సోషల్ మీడియాలో స్పందించారు. తన అభిమానులకు, నియోజకవర్గ ప్రజలకు ఆమె గణేష్ పర్వదిన శుభాకాంక్షలు తెలిపింది.

గణేష్ భగవానుడు అందరికి మంచి ఆరోగ్యం, సుఖ: సంతోషాలను అందజేయాలని కోరుకొంటున్నాను. అందరికీ హ్యాపీ గణేష్ చతుర్థి. గణపతిపప్పా మోరియా అంటూ విషెస్ అందజేశారు. మతానికి అతీతంగా నుస్రత్ విషెస్ తెలియజేయడంపై కొందరు నెటిజన్లు ఆమెను ప్రశంసించారు. బదులుగా హ్యాపీ గణేష్ చతుర్థి అంటూ సందేశాలు పంపారు. అయితే కొందరు మాత్రం ఆమె తీరును తప్పటం జరిగింది.

ఇదిలా ఉండగా, తృణమూల్ పార్టీ ఎంపీగా ఎన్నికైన తర్వాత నిఖిల్ జైన్ అనే పారిశ్రామిక వేత్తను జూన్ 19న వివాహం చేసుకొన్నారు. అయితే పెళ్లి కోసం ఎంపీగా ప్రమాణస్వీకారం వాయిదా వేసుకోవడం, ఆ తర్వాత ముస్లిం అయి ఉండి కూడా నుదుట సింధూరం పెట్టుకొంటావా? అని నెటిజన్లు ట్రోల్ చేశారు.

నెటిజన్ల ట్రోల్ చేయడంపై నుస్రత్ ఘాటుగా స్పందించారు. నేను ఇంకా ముస్లింనే. కానీ అన్ని మతాలను గౌరవిస్తాను. నేను ధరించాలో అనేది నా వ్యక్తిగత విషయం. ధరించే దుస్తులను బట్టి మత భావాలను అంచనా వేయడం సరికాదు అని ఆమె అన్నారు.