»   » ఆ సీన్లు చూసి నేనే కన్నీళ్లు పెట్టుకొన్నా.. పోసాని

ఆ సీన్లు చూసి నేనే కన్నీళ్లు పెట్టుకొన్నా.. పోసాని

Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts

    శ్రావ్య మూవీస్ బ్యానర్‌లో లక్ష్మీ టాకీస్ సమర్పణలో సరీష్, గీత హీరోహీరోయిన్లుగా పోసాని కృష్ణమురళీ ప్రధానపాత్రలో నటించిన చిత్రం 'బిల్డప్ కృష్ణ'. విన్సెంట్ సెల్వ దర్శకత్వంలో తెరకెక్కిన ఈ చిత్ర టీజర్‌ను తాజాగా విడుదల చేశారు.

    ఈ సందర్భంగా పోసాని కృష్ణమురళీ మాట్లాడుతూ..''బిల్డప్ కృష్ణ. ఈ సినిమాలో చాలా ముఖ్యమైన పాత్రలో చేశా. అప్పట్లో ఐదారు ఫ్యామిలీల మధ్యలో కీ పాత్రలో గొల్లపూడి మారుతీరావుగారు ఎలా నటించేవారో.. ఈ సినిమాలో నాది అలాంటి పాత్ర. చాలా కాలం తర్వాత చాలా మంచి పాత్ర వచ్చింది. రెండు కుటుంబాలను ఎలా విడదీయాలి? లేదంటే ఎలా కలపాలి వంటి పాత్రలు మారుతీరావుగారు చేశారు అని అన్నారు.

    దర్శకుడు విన్సెంట్ ఇప్పుడు అలాంటి పాత్ర నాకు ఈ సినిమాలో ఇచ్చారు. రైటర్‌గా ఉన్నప్పుడు కూడా నాకు నేను రాసుకోలేకపోయా. ఎవరికీ ఇలాంటి పాత్ర రాయలేకపోయా. ఈ సినిమాలో నా పాత్ర చూస్తుంటే గొల్లపూడిగారే కనబడతారు. నా పాత్రకి ఈ సినిమాలో చాలా ప్రాధాన్యం ఉంటుంది. అందుకే టైటిల్ కూడా 'బిల్డప్ కృష్ణ' అని పెట్టడం జరిగింది. ఇప్పటి వరకు ఎన్నో పాత్రలు చేశాను. నవ్వించాను. సిన్సియర్ పోలీస్ ఆఫీసర్‌గా కనిపించాను. కానీ ఇందులో ట్రాజెడీ తరహాలో పెద్దపెద్దగా ఏడ్చే పాత్రలో చేశా అని పోసాని తెలిపారు.

    Posani Krishna Murali about Buildup Krishna movie

    ఈ సినిమాలో ఇలాంటి సీన్లు చాలా ఉన్నాయి. ఆ సీన్లు చూసిన తర్వాత నాకు నేనే కన్నీళ్లు పెట్టుకున్నా. ఈ సినిమా చూసేటప్పుడు మీకు కూడా కన్నీళ్లు వస్తాయి. అంత మంచి సీన్స్ నాకు డైరెక్టర్‌గారు ఈ సినిమాలో ఇచ్చారు. నాలో ఎంత దమ్ము ఉంది అనేది ఈ సినిమాలో చూపించే అవకాశం ఇచ్చాడు. నా పాత్రే కాదు.. సినిమా కథ కూడా ప్రాక్టికల్‌గా, సహజంగా, లవ్‌బుల్‌గా ఉంటుంది అని పోసాని చెప్పారు.

    ఒక మగాడు తప్పు చేయడానికి ఈ సొసైటీలో ఎలాంటి వాతావరణం ఉందో.. అలాగే ఓ ఆడది రాంగ్ రూట్‌లో వెళ్లడానికి ఈ సొసైటీలో ఉన్న కారణాలను చాలా సహజంగా ఇందులో చూపించారు. ఒక రైటర్‌గా నాకు ఈ కథ చాలా బాగా నచ్చింది. అందుకే ఇలా చెప్పగలుగుతున్నా. నేను ప్రేమించి ఈ సినిమా చేశా. నాకు చాలా మంచి పేరు వస్తుందని పూర్తిగా నమ్ముతున్నా. అందుకే ప్రెస్‌మీట్ కూడా మా ఇంటిలోనే పెట్టమని చెప్పా.. అందరూ ఈ సినిమా చూడండి. కొత్త పోసానిని చూస్తారు.. '' అని అన్నారు.

    Posani Krishna Murali about Buildup Krishna movie

    డైరెక్టర్ విన్సెంట్ సెల్వ మాట్లాడుతూ..''సినిమా చాలా బాగా వచ్చింది. పోసానిగారితో చేయడం చాలా సంతోషాన్నిచ్చింది. తప్పకుండా ఈ సినిమా మీ అందరికీ నచ్చుతుంది..'' అన్నారు.

    హీరో సరీష్ మాట్లాడుతూ..''ఇది నా మొదటి చిత్రం. మొదటి చిత్రంతోనే పోసానిగారితో కలిసి నటించినందుకు ఎంతో సంతోషంగా ఉంది. దర్శకుడు విన్సెంట్ మంచి పాత్ర ఇచ్చారు. నటనకు స్కోప్ ఉన్న పాత్ర ఇది. ఈ పాత్రతో నన్ను పరిచయం చేస్తున్న విన్సెంట్‌గారికి ధన్యవాదాలు. సినిమా పెద్ద సక్సెస్ అవుతుందని ఆశిస్తున్నాను..'' అన్నారు.

    English summary
    Posani Krishna Murali's latest movie is Buildup Krishna. Vincent Selva is the Director. He acted as a police officer. Recently, This teaser was released.
    దేశంలోనే అతిపెద్ద పొలిటికల్ పోల్: ఈ సర్వేలో మీరు పాల్గొన్నారా?
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more