twitter
    For Quick Alerts
    ALLOW NOTIFICATIONS  
    For Daily Alerts

    Acharya Leaks: చిరంజీవి, చరణ్ తర్వాత ఆయనకే ఎక్కువ ప్రాధాన్యం

    |

    రీఎంట్రీలో వరుస సినిమాలతో దూసుకుపోతున్నారు మెగాస్టార్ చిరంజీవి. ప్రస్తుతం ఆయన టాలీవుడ్ బడా డైరెక్టర్ కొరటాల శివతో 'ఆచార్య' అనే సినిమాను చేస్తున్నారు. ఇందులో మెగా పవర్ స్టార్ రామ్ చరణ్ కూడా నటిస్తోన్న విషయం తెలిసిందే. మెగా మల్టీస్టారర్‌గా రాబోతున్న ఈ సినిమాపై భారీ అంచనాలే ఉన్నాయి. అందుకు అనుగుణంగానే దీన్ని ఎంతో ప్రతిష్టాత్మకంగా తీస్తున్నారు. నక్సలిజంతో కూడిన సందేశాన్ని ఇచ్చే విధంగా ఈ సినిమాను రూపొందిస్తున్నారు. ఈ నేపథ్యంలో ఈ మూవీ గురించి తాజాగా ఓ ఇంట్రెస్టింగ్ న్యూస్ ఫిలిం నగర్‌లో వైరల్ అవుతోంది.

    'ఆచార్య' సినిమాలో మెగాస్టార్ చిరంజీవి, రామ్ చరణ్ ఇద్దరూ నక్సలైట్లుగా నటిస్తోన్న విషయం తెలిసిందే. ఈ చిత్రంలో వీళ్లిద్దరి పాత్రలే ఎంతో హైలైట్‌గా నిలవబోతున్నాయి. వీళ్ల కలయికలో వచ్చే సీన్స్ పూనకాలు తెప్పించే విధంగా ఉంటాయని అంటున్నారు. అయితే, ఈ స్టార్ హీరోల తర్వాత ఇందులో పోసాని కృష్ణ మురళి పాత్రకే ఎక్కువ ప్రాధాన్యం ఉంటుందట. ఇంటర్వెల్ ముందు ఈ రోల్ చనిపోతుందని తెలుస్తోంది. ఎమోషనల్‌గా సాగే ఈ సీన్ ప్రేక్షకులతో కన్నీళ్లు తెప్పించే విధంగా తీశారనే టాక్ వినిపిస్తోంది. ఈ పాత్ర వల్లే సినిమా కథ మలుపు తిరుగుతుందని కూడా తెలిసింది.

    Posani Krishna Murali Role Highlight in Acharya

    భారీ బడ్జెట్‌తో రూపొందుతోన్న 'ఆచార్య' మూవీ షూటింగ్ ఇంకా పద్నాలుగు రోజులు బ్యాలెన్స్ ఉండిపోయింది. దీంతో ఈ సినిమాను అనుకున్న సమయానికి విడుదల చేయలేదు. ఇక, దీని నుంచి ఇప్పటికే విడుదలైన పాట, టీజర్, పోస్టర్లకు భారీ స్థాయిలో రెస్పాన్స్ వచ్చింది. దీంతో అంచనాలు భారీగా పెరిగిపోయాయి. ఇదిలా ఉండగా.. ఈ చిత్రాన్ని కొణిదెల ప్రొడక్షన్స్, మ్యాట్నీ ఎంటర్‌టైన్‌మెంట్ బ్యానర్లు నిర్మిస్తున్నాయి. కాజల్ అగర్వాల్, పూజా హెగ్డే ఇందులో హీరోయిన్లుగా చేస్తోన్నారు. ఈ సినిమాకు మెలోడీ కింగ్ మణిశర్మ సంగీతం సమకూర్చుతున్నాడు.

    English summary
    Megastar Chiranjeevi - Ram Charan Upcoming Film is Acharya. This movie directed by Koratala Siva. Posani Krishna Murali Role Highlight in This Movie
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X