Don't Miss!
- News కాంగ్రెస్ వరంగల్ ఎంపీ టికెట్ ఎవరికి? కుమార్తెతో సహా కడియం శ్రీహరి జంప్తో చర్చ!!
- Finance RBI: 2000 నోట్లపై కీలక ప్రకటన చేసిన ఆర్బీఐ..
- Technology 50MP సెల్ఫీ కెమెరా తో Samsung కొత్త ఫోన్! లాంచ్,ధర వివరాలు
- Sports RCB vs KKR: దాన్ని నైట్ రైడర్స్ బ్రేక్ చేయగలదా?
- Automobiles ప్రపంచంలోనే 'ది బెస్ట్ కారు' ఇదే.. 29 దేశాల నుంచి 100 మంది ఆటో మొబైల్ జర్నలిస్ట్లు ఎంపిక చేసిన కారు ఏదంటే??
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
సమంత కోసం ప్రభాస్ త్యాగం చేస్తాడా.? మంతనాలు జరుపుతున్న బడా ప్రొడ్యూసర్.!
తెలుగు సినీ ఇండస్ట్రీలో టాప్ హీరోయిన్గా కొనసాగుతోంది అక్కినేని వారి కోడలు సమంత. 'ఏ మాయ చేశావే' సినిమాతో తెలుగు ప్రేక్షకులకు పరిచయం అయిన ఈమె.. అనతి కాలంలోనే ఎన్నో సూపర్ హిట్ చిత్రాలను తన ఖాతాలో వేసుకుని స్టార్ హీరోయిన్గా ఎదిగిపోయింది. ఈ క్రమంలోనే టాలీవుడ్లోని దాదాపు అందరు హీరోలతో కలిసి నటించింది. కొన్నేళ్లుగా వరుస విజయాలు దక్కించుకుంటున్న ఈ ముద్దుగుమ్మ.. 'ఓ బేబీ' తర్వాత కొంచెం స్లో అయింది. తాజాగా ఈమె గురించి ఓ ఇంట్రెస్టింగ్ న్యూస్ బయటకు వచ్చింది. ఇంతకీ ఏంటా న్యూస్? వివరాల్లోకి వెళితే...
ఆమె చేతిలో ఉన్నది ఇదొక్కటే
సమంత ‘96' తెలుగు రీమేక్లో నటించిన విషయం తెలిసిందే. ఇందులో టాలీవుడ్ శర్వానంద్ హీరోగా నటిస్తున్నాడు. మాతృకను తెరకెక్కించిన ప్రేమ్ కుమార్ తెలుగులోనూ రూపొందిస్తున్నారు. దీన్ని ప్రముఖ నిర్మాత దిల్ రాజు నిర్మించనున్నారు. ఇప్పటికే ఈ సినిమా షూటింగ్ కూడా పూర్తయిపోయింది. దీన్ని ప్రేమికుల రోజు కానుకగా ఫిబ్రవరి 14న విడుదల చేస్తున్నట్లు
కొంచెం కూడా మారలేదు
తమిళంలో విజయ్ సేతుపతి, త్రిష నటించిన ‘96' సూపర్ హిట్ అవడంతో పాటు విమర్శకుల ప్రశంసలు అందుకుంది. దీంతో ఈ సినిమాను రీమేక్ చేయడానికి చాలా మంది సన్నాహాలు చేశారు. అయితే, ఈ హక్కులు మాత్రం దిల్ రాజుకే దక్కాయి. ఒరిజినల్ డైరెక్టరే దీన్ని కూడా తెరకెక్కిస్తుండడంతో కథలో మార్పులు చేయలేదట. కానీ, ఇక్కడి నేటివిటీతో రూపొందించారని టాక్.
సినిమా టైటిల్ ఫిక్స్
ఈ సినిమాకు కూడా ఒరిజినల్ టైటిల్ పెడతారని మొదట ప్రచారం జరిగింది. కానీ, ఇందులో 96కు బదులు 2000 నాటి ప్రేమకథను చూపించారట. దీంతో ఈ మూవీ టైటిల్ను మార్చాలని భావించిందట చిత్ర యూనిట్. ఇందులో భాగంగానే దీనికి ‘జానూ' అనే టైటిల్ ఫిక్స్ చేశారని ప్రచారం జరుగుతోంది. దీనికి కారణం ఇందులో సామ్ పాత్ర పేరు జానకి కావడమే.
ప్రభాస్ సినిమా టైటిల్ కూడా అదే
ప్రస్తుతం ప్రభాస్.. జిల్ ఫేమ్ రాధాకృష్ణ దర్శకత్వంలో ఓ సినిమాను చేస్తున్నాడు. దీనికి ‘జాన్' అనే టైటిల్ ప్రచారంలో ఉంది. ఈ సినిమాలో ప్రభాస్ సరసన పూజా హెగ్డే నటిస్తోంది. 1960 దశకం నాటి ప్రేమకథతో ఈ మూవీ తెరకెక్కుతోంది. ఈ సినిమా అంతా యూరప్ నేపథ్యంలో సాగుతుందని అంటున్నారు. ఇది కూడా భారీ బడ్జెట్తో రూపొందనుందని సమాచారం.
సమంత కోసం ప్రభాస్ త్యాగం చేస్తాడా.?
శర్వానంద్ - సమంత కాంబోలో వస్తున్న సినిమా టైటిల్, ప్రభాస్ మూవీ టైటిల్ ఒకేలా ఉండడంతో నిర్మాత దిల్ రాజు రంగంలోకి దిగారని తెలుస్తోంది. ఇందులో భాగంగానే ఆయన ప్రభాస్ మూవీ నిర్మాతలతో మూవీ టైటిల్ మార్చే విధంగా చర్చలు జరుపుతున్నారని తాజాగా ఓ వార్త బయటకు వచ్చింది. ఈ నేపథ్యంలో ప్రభాస్ దీనికి ఒప్పుకుంటాడా అన్నది ఆసక్తికరంగా మారింది.