హీరో అవ్వడానికి అసలు కారణమిదే.. ఆ హీరోను చూసిన రోజే నిర్ణయించుకున్నా: యాంకర్ ప్రదీప్

పాటతోనే బజ్ క్రియేట్ చేసి..

యాంకర్ గా ఎంతగానో క్రేజ్ అందుకున్న ప్రదీప్ మాచిరాజు మొదటిసారి బిగ్ స్క్రీన్ పై కథానాయకుడిగా కనిపించబోతున్న విషయం తెలిసిందే. '30 రోజుల్లో ప్రేమించడం ఎలా?' అనే ఆ సినిమా ఓ వర్గం ఆడియెన్స్ లో అయితే అంచనాలను బాగానే క్రియేట్ చేసింది. ఇటీవల ట్రైలర్ ను కూడా విడుదల చేయగా దానికి మంచి రెస్పాన్స్ వచ్చింది. అంతకుముందు నీలి నీలి ఆకాశం పాట ఏ రేంజ్ లో హిట్టయ్యిందో స్పెషల్ గా చెప్పనవసరం లేదు.

రిలీజ్ ఎప్పుడంటే..

30 రోజుల్లో ప్రేమించడం ఎలా? మొత్తానికి జనవరి 29న గ్రాండ్ గా విడుదల కాబోతోంది. అసలైతే ఈ సినిమాను గత ఏడాది సమ్మర్ లోనే విడుదల చేయాల్సింది. కరోనా లాక్ డౌన్ కంటే ముందే సినిమాను రెడీ చేశారు. కానీ లాక్ డౌన్ దెబ్బకు వాయిదా వేయాల్సి వచ్చింది. ఇక ఫైనల్ గా నెక్స్ట్ వీక్ సినిమా ప్రేక్షకుల ముందుకి రానుంది.

హీరో అవ్వడానికి కారణం..

ఇక వరుస ఇంటర్వ్యూలతో ప్రమోషన్స్ లో బిజీగా ఉన్న ప్రదీప్ గతంలో యాంకర్ గా చేస్తూనే కొన్ని సినిమాల్లో చిన్న చిన్న పాత్రల్లో నటించిన విషయం తెలిసిందే. అయితే ఇన్నాళ్లు లేనిది ఇప్పుడే హీరో కావడానికి కారణం ఏమిటి? అసలు హీరో అవ్వాలనే ఆలోచన మొదట ఎప్పుడు పుట్టింది అనే ప్రశ్నలకు ప్రదీప్ క్లారిటీ ఇచ్చాడు.

పవన్ కళ్యాణ్ ను చూడగానే ఫిక్స్ అయ్యాను

ప్రదీప్ మాట్లాడుతూ.. నేను హీరో అవ్వడానికి మొదటి కారణం పవన్ కళ్యాణ్. ఆయనను తమ్ముడు సినిమాలో చూసినప్పుడే హీరో అవ్వాలని ఫిక్స్ అయ్యాను. అయితే హీరో అవ్వడానికి సరైన కథ, సమయం సెట్టవ్వాలి. మొత్తానికి ఆ టైమ్ ఇప్పుడు వచ్చింది అనుకుంటున్నాను. తప్పకుండా ఈ సినిమా ఆడియెన్స్ ను మెప్పిస్తుందని నమ్ముతున్నట్లు ప్రదీప్ వివరణ ఇచ్చాడు.