Allu Arjun: హిందీ బేబీ కోసం ఐకాన్ స్టార్ అల్లు అర్జున్... సీక్రెట్ లీక్ చేసిన నిర్మాత!

రీసెంట్​గా టాలీవుడ్​లో కల్ట్​ క్లాసిక్​గా బ్లాక్ బాస్టర్ హిట్ అందుకున్న చిత్రం బేబీ. ఆనంద్​ దేవరకొండ, విరాజ్ అశ్విన్ హీరోలుగా వైష్ణవి చైతన్య హీరోయిన్‌గా నటించిన ఈ యూత్​ఫుల్ లవ్​ స్టోరీ తెలుగు యూత్ ఆడియెన్స్​ను విపరీతంగా ఆకట్టుకుంది. ఒకటికి రెండు సార్లు థియేటర్లకు వెళ్లి మరీ ఈ సినిమాను చూశారు. అయితే రొమాంటిక్ సూపర్ హిట్ చిత్రం ఇప్పుడు హిందీలో రీమేక్ అవ్వనున్న సంగతి తెలిసిందే. అయితే ఈ చిత్రంలో ఐకాన్ స్టార్ అల్లు అర్జున్ భాగం అవ్వనున్నారని తెలుస్తోంది. దాని గురించే ఈ కథనం..

ఐకాన్ స్టార్ అల్లు అర్జున్ ఈ పేరు గురించి ఇండియన్స్​ ఆడియెన్స్​కు ప్రత్యేకంగా చెప్పనక్కర్లేదు. ఆయన పేరు వినగానే పుష్ప అంటూ సైగలతో రచ్చ చేస్తారు. ఇప్పుడు ఆయన క్రేజ్ ఆ రేంజ్​లో ఉంది మరి. సినిమాకు సినిమాకు తన నటనలో స్టైల్​లో వైవిధ్యం చూపిస్తూ దేశం గర్వించ దగ్గ స్థాయికి ఎదిగారు. ఇప్పుడు ఆయన కనపడితే చాలు ఆడియెన్స్​లో పుష్ప అంటూ పూనకాలు వచ్చేస్తున్నాయి.

మరీ ముఖ్యంగా నార్త్ ఆడియెన్స్​ అయితే తగ్గేదేలే అంటూ అల్లు అర్జున్ పేరునే జపం చేస్తున్నారు. అయితే ఇప్పుడాయన పుష్ప 2లో నటిస్తున్నారన్న సంగతి తెలిసిందే. దాదాపు రూ.500కోట్ల బడ్జెట్​తో ఈ సినిమా తెరకెక్కుతోంది. ఈ పంద్రాగస్ట్​ను ప్రేక్షకుల ముందుకు రానుంది. అయితే ఇప్పుడు ఈయన హిందీ బేబీ రీమేక్​లో భాగం అవుతారని తెలిసింది. ఎందుకంటే ఈ కామెంట్స్​ చేసింది స్వయంగా ఈ చిత్ర నిర్మాతనే. తనే ఎస్కేఎన్​.

తాజాగా ఓ ఇంటర్వ్యూలో పాల్గొన్న ఎస్కేఎన్ ఈ కామెంట్స్ చేశారు. హిందీ బేబీ రీమేక్ గురించి మాట్లాడుతూ ఈ విషయాన్ని చెప్పారు. 'మీరు హిందీలో బేబీని రీమేక్​ చేస్తున్నారు. అక్కడ అల్లు అర్జున్​కు బాగా క్రేజ్ ఉంది. మరి ఆయన్ను అక్కడ ప్రమోషన్స్​కు ఉపయోగించుకుంటారా?' అని ఓ విలేకరి అడగగా .. 'హా తప్పకుండా. నాకు తెలిసిన వారందరినీ ఉపయోగించేస్తాను' అంటూ ఎస్కేఎన్ అన్నారు. ప్రస్తుతం ఈ కామెంట్స్ వైరల్​గా మారాయి. అసలే నార్త్​లో అల్లు అర్జున్ క్రేజ్ గురించి తెలిసిందే. ఇకపోతే బేబీ కథ కూడా ఎంతటి సూపర్ హిట్ అందుకుందో తెలిసిన విషయమే. కాబట్టి ఈ సినిమాకు బన్నీ క్రేజ్ తోడైతే బాలీవుడ్​ బేబీ హిట్​​ అవ్వడం పక్కా అనే చెప్పాలి. చూడాలి మరి ఏం జరుగుతుందో..

ఇక ఈ హిందీ బేబీ కోసం హీరోయిన్​గా ఓ స్టార్ కిడ్‌ను సెలక్ట్ చేశారని తెలిసింది. తను మరెవరో కాదు అలనాటి అందాల తార శ్రీదేవి వారసురాలు ఖుషి కపూర్. ఎస్‌కేఎన్‌తో పాటు బోనీ కపూర్ లేదా కరణ్ జోహార్ ఈ రీమేక్‌ను నిర్మించడంలో భాగం కానున్నారు. అందుకే ఖుషి కపూర్ ఈ రీమేక్‌ కోసం సెలెక్ట్ చేశారు. ఇకపోతే ఖుషి కపూర్ ఇప్పటికే ది ఆర్చీస్ అనే వెబ్ ఫిల్మ్​తో ఇండస్ట్రీలోకి ఎంట్రీ ఇచ్చింది. కానీ ఈమె యాక్టింగ్‌పై విపరీతమైన విమర్శలు వచ్చాయి. కానీ స్టార్ కిడ్ అయిన నేపథ్యంలో ఆమె ఖాతాలోకి మరో రెండు సినిమాలు వచ్చి పడ్డాయి.