తేజ ఆఫీస్‌కి వెళ్ళా.. చేయక తప్పలేదు.. ఫోన్‌లో నాగబాబు కూడా: రాశి ఓపెన్ కామెంట్స్

దర్శకుడు తేజ ఒప్పించాడు.. తీరా చూస్తే

తేజ దర్శకత్వంలో తెరకెక్కిన ‘నిజం' సినిమాలో నటించింది రాశి. అయితే ఈ సినిమాలో తన పాత్ర విషయమై దర్శకుడు తేజ తప్పుగా చెప్పి ఒప్పించాడని పేర్కొంది. తీరా సినిమా సెట్స్ పైకి వచ్చాక తన పాత్రను పూర్తిగా మార్చేసి నెగిటివ్‌గా చూపించారని రాశి పేర్కొంది. ఆ సందర్భంలో తాను ఎలా రియాక్ట్ అయ్యాననే విషయాన్ని రాశి బయటపెట్టింది.

ఎవ్వరి ఆఫీస్‌లకు వెళ్లని నేను తేజ దగ్గరకు వెళితే..

సాధారణంగా తాను ఎవ్వరి ఆఫీస్‌లకు వెళ్లేదాన్ని కాదని, కానీ 'నిజం' సమయంలో తేజ పిలిచారని ఆయన ఆఫీస్ వెళ్లానని చెప్పింది రాశి. ఆ సమయంలో మహేష్ బాబు హీరో అని చెప్పిన తేజ.. చిత్రంలో గోపీచంద్, నువ్వు లవర్స్ అని, సినిమా అంతా మీ కథ చుట్టూనే తిరుగుతుందని చెప్పారని తెలిపింది. దాంతో తాను వెంటనే ఒప్పుకున్నానని చెప్పింది.

అప్పుడు తెలిసింది అసలు మ్యాటర్

తీరా 'నిజం' సెట్స్ పైకి వచ్చాక అసలు మ్యాటర్ అర్థమైందని రాశి చెప్పుకొచ్చింది. ఫస్ట్ సీన్ లోనే విషయం తెలిసిందని, దాంతో ఆ సినిమా నుంచి తప్పుకుందామని అనుకున్నానని రాశి చెప్పింది. చివరకు మా పీఆర్వో సలహా మేరకు ఆ సినిమాలో నటించాల్సి వచ్చిందని ఆమె వెల్లడించింది.

ఫోన్‌లో నాగబాబు ఏమన్నారంటే

ఇక ఆ పాత్ర చేశాక అందరి నుంచి మిశ్రమ స్పందన లభించిందని రాశి తెలిపింది. కొందరు బాగుందని చెబితే.. ఇంకొందరు మాత్రం ఆ క్యారెక్టర్ ఎందుకు చేశావని అడిగారని తెలిపింది రాశి. ఇక మెగా బ్రదర్ నాగబాబు ఫోన్ చేసి 'నీ పాత్ర నెగెటివ్ అయినా నువ్వు కత్తిలా ఉన్నావ్' అన్నారని రాశి చెప్పింది.

Recommended Video

Cine Box : RRR Updates,Rajamouli Fully Focused On NTR And Ram Charan For RRR !

రాశి సినిమాలు.. ప్రస్తుత పరిస్థితి

తెలుగులో మాత్రమే కాకుండా తమిళం, కన్నడ, హిందీ భాషల్లోనూ సత్తా చాటుతూ సౌత్ ఇండియన్ క్రేజీ బ్యూటీగా పేరు తెచ్చుకున్న రాశి.. గత కొంతకాలంగా తన సినిమాల ప్రవాహాన్ని తగ్గించేసింది. అడపాదడపా సినిమాల్లో నటించినప్పటికీ సినిమాల పరంగా ప్రస్తుతం ఆమె ప్రభావం ఏ మాత్రం కనిపించడం లేదు.