అమెరికాలో రికార్డు స్థాయి స్క్రీన్లలో రాధేశ్యామ్.. ఇక రికార్డులు బద్దలవ్వాల్సిందే!

రెండు డిఫరెంట్ మ్యూజిక్ టీమ్స్

బాహుబలి సినిమాతో ప్రపంచ స్థాయిలో గుర్తింపు తెచ్చుకున్న ప్రభాస్. ఆ తర్వాత సాహో సినిమాతో అంచనాలను అందుకోలేక పోయారు. ఇప్పుడు ప్రభాస్ సినిమా కోసం ఇటు తెలుగు ఆడియన్స్ తో పాటు బాలీవుడ్ ప్రేక్షకులు కూడా ఆసక్తికరంగా ఎదురు చూస్తున్నారు. ఈ క్రమంలోనే ఇండియాలో మరో సినిమాకు సాధ్యం కాని స్థాయిలో ఓకే సినిమా కోసం రెండు డిఫరెంట్ మ్యూజిక్ టీమ్స్ వర్క్ చేశాయి. సౌత్, నార్త్ ప్రేక్షకులను ఆకట్టుకునేలా అత్యున్నత సంగీత దర్శకులతో పాటలు సిద్ధం చేయించారు.

రాధేశ్యామ్

ఇప్పటికే ఈ సినిమా షూటింగ్ పూర్తైపోగా పోస్ట్ ప్రొడక్షన్ పనుల్లో బిజీగా ఉన్నారు దర్శక నిర్మాతలు. రాధేశ్యామ్ సినిమా జనవరి 14 న ప్రేక్షకుల ముందుకు రాబోతుందని ప్రకటించారు కానీ కరోనా విజృంభిస్తున్న నేపథ్యంలో సినిమాను వాయిదా వేశారు. అలా మొత్తం మీద దాన్ని మార్చి 11న విడుదల చేయడానికి నిర్ణయించారు. ఆరోజున ప్రపంచ వ్యాప్తంగా భారీ స్థాయిలో విడుదల చేయబోతున్నారు. ఇప్పటి వరకు ఏ తెలుగు హీరోకి సినిమా విడుదల కాని విధంగా అత్యధిక థియేటర్లలో ప్రభాస్ సినిమా సందడి చేయబోతోంది.

3, 000కు పైగా స్క్రీన్లలో

ఈ సినిమా దాదాపు 300 కోట్లకు పైగా భారీ బడ్జెట్తో తెర పైకి తీసుకు వస్తున్నారని తెలుస్తోంది. తప్పకుండా అన్ని వర్గాల ప్రేక్షకులకు కూడా ఈ సినిమా నచ్చుతుంది అని చిత్ర యూనిట్ సభ్యులు నమ్మకంతో ఉన్నారు అయితే తెలుస్తున్న సమాచారం ప్రకారం ఈ సినిమా ఏకంగా 10, 000 థియేటర్లలో రిలీజ్ కానుంది. అమెరికాలో మాత్రమే ఈ సినిమా 3, 000కు పైగా స్క్రీన్లలో రిలీజ్ కానుందని సమాచారం..

కేవలం అమెరికాలోనే

ఈ సినిమా కేవలం అమెరికాలోనే 1116కి పైగా లొకేషన్లలో, 3116కి పైగా స్క్రీన్ లలో , 11116కి పైగా షోలు వేయనున్నారు. రాధేశ్యామ్ అత్యధిక స్థానాల్లో హిందీ 1116+ స్థానాలు, తెలుగు - 1116+ స్థానాలు, తమిళం 200+ స్థానాలు USAలోనే విడుదల చేస్తున్నారు. ఈ సినిమాకు హిట్ టాక్ వస్తే మాత్రం బాక్సాఫీస్ వద్ద ఊహించని స్థాయిలో రికార్డులు క్రియేట్ అవుతాయని చెప్పడంలో ఏ మాత్రం సందేహం లేదనే చెప్పాలి. రాధేశ్యామ్ రిజల్ట్ పై ఉండే నమ్మకం వల్లే మేకర్స్ ఈ స్థాయిలో థియేటర్లలో సినిమాను ఆ రేంజ్ లో రిలీజ్ చేస్తున్నారని సమాచారం. ఇప్పటివరకు ఏ తెలుగు హీరో సినిమా రిలీజ్ కాని స్థాయిలో ఈ సినిమా రిలీజ్ కానుందని చెప్పక తప్పదు.

లవ్ స్టోరీ

పిరియాడికల్ లవ్ స్టోరీగా తెరకెక్కిన ఈ సినిమాలో ప్రభాస్ సరసన హీరోయిన్‌గా పూజా హెగ్డే నటించియిది. ఐదు భాషల్లో పాన్ ఇండియా సినిమాగా దీన్ని రూపొందించారు. రెబ‌ల్‌స్టార్ కృష్ణంరాజు సమర్పణలో రూపొందుతున్న ఈ 'రాధే శ్యామ్' సినిమాని గోపీకృష్ణ బ్యానర్, యూవీ క్రియేషన్స్ సంయుక్తంగా నిర్మిస్తున్నాయి. 1960 దశకం నాటి ప్రేమకథగా ఈ సినిమా స్టోరీ గురించి ప్రచారం జరుగుతోంది.