Don't Miss!
- Automobiles ఇలా చేయడం కరెక్టేనా? తప్పో.. ఒప్పో మీరే చెప్పాలి - వీడియో
- News తండ్రైన ముఖ్యమంత్రి: తొలి నేతగా రికార్డ్
- Technology 6.67 అంగుళాల డిస్ప్లే, ట్రిపుల్ కెమెరాతో వివో కొత్త ఫోన్... లాంచ్, స్పెసిఫికేషన్ల వివరాలు..!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
మహేష్, పవన్ మల్టీస్టారర్.. సీరియస్ గా ఆలోచిస్తున్న యంగ్ డైరెక్టర్!
టాలీవుడ్ లో కూడా మల్టీస్టారర్ సినిమాల జోరు మళ్ళీ పెరిగిందని చెప్పవచ్చు. అప్పట్లో గోల్డెన్ హీరోస్ తరహాలో నేటితరం స్టార్ హీరోలు కూడా స్క్రీన్ షేర్ చేసుకోవడానికి ఏ మాత్రం వెనుకడుగు వేయడం లేదు. కథ సెట్టయితే సినిమా చేయడానికి అభ్యంతరం లేదని అంటున్నారు. RRR సినిమాతో ఆడియెన్స్ కి కొత్త తరహా కోరికలు పుట్టుకొస్తున్నాయి.
RRR కారణంగా..
రామ్ చరణ్ - జూనియర్ ఎన్టీఆర్ లాంటి బడా హీరోలు ఒకే ఫ్రేమ్ లో కనిపించడం ఒక అద్భుతమనే చెప్పాలి. రాజమౌళి సెట్ చేసిన RRR కాంబినేషన్ కి అభిమానులు ఎంత కృతజ్ఞతలు చెప్పినా తక్కువే. అయితే మా స్టార్ హీరోలు కూడా అలానే మరొక స్టార్ హీరోతో సినిమా చేస్తే బావుంటుందని నెటీజన్స్ దర్శకులను కోరుతున్నారు. అందులో ఎక్కువగా పవన్ - మహేష్ కాంబినేషన్ పైనే కామెంట్స్ వస్తున్నాయి.
ఆ మాట నిజమవ్వాలి..
కుదిరితే పవన్ కళ్యాణ్ మహేష్ బాబులను ఒకే ఫ్రేమ్ లో చూపించాలని ఉందని దర్శకుడు రాహుల్ రవీంద్రన్ రీసెంట్ గా ఇచ్చిన ఇంటర్వ్యూలో చెప్పాడు. అతను చెప్పిన మాటలు ఆడియెన్స్ నిజమవ్వాలని కోరుకుంటున్నారు. చి.ల.సౌ సినిమాతో దర్శకుడిగా పరిచయమైన నటుడు రాహుల్ రవీంద్రన్ ఆ తరువాత నాగార్జునతో మన్మథుడు 2 చేసిన విషయం తెలిసిందే.
మహేష్ - పవన్ మల్టీస్టారర్ కోసం...
పవన్ కళ్యాణ్ మహేష్ బాబు లాంటి స్టార్ హీరోలతో సినిమా చేయాలని తాను సీరియస్ గా ఆలోచిస్తున్నాను అని రాహుల్ తెలిపిన కారణంగా ఆ ఇద్దరి హీరోల అభిమానుల్లో ఒక్కసారిగా ఆశలు పెరిగాయి. కానీ ఈ దర్శకుడు వారితో సినిమా చేయాలంటే ఇంకా చాలా ఎదగాలని అంటున్నారు. మన్మథుడు 2 సక్సెస్ కాకపోవడంతో రాహుల్ నెక్స్ట్ ఒక లవ్ స్టోరీతో రాబోతున్నట్లు తెలుస్తోంది.
Recommended Video
వారు సిద్ధమే..
మహేష్ బాబు సీతమ్మ వాకిట్లో సిరిమల్లే చెట్టు సినిమాతో మల్టీస్టారర్ సినిమాలు చేయడానికి సిద్ధమే అని చెప్పేశాడు. ఇక గోపాల గోపాల సినిమా ద్వారా వెంకీతో నటించి పవర్ స్టార్ కూడా గ్రీన్ సిగ్నల్ ఇచ్చాడు. ఈ విధంగా మల్టీస్టారర్ సినిమాలకు వారిద్దరు సిద్ధమే అని ఒక క్లారిటీ అయితే ఇచ్చారు. మరి భవిష్యత్ లో ఈ స్టార్స్ కలిసి సినిమా చేస్తారో లేదో చూడాలి.