RRR: జపాన్ బాక్సాఫీస్ వద్ద RRR ప్రభంజనం.. 2 మిలియన్ మార్క్ దాటి ట్రెండింగ్ లో మూవీ

హాట్ టాపిక్ గా ప్రమోషన్స్...

దర్శక ధీరుడు రాజమౌళి చెక్కిన చిత్రం RRR దేశవ్యాప్తంగా ఎంతటి సక్సెస్ సాధించిందో చెప్పనవసరం లేదు. ఇక జపాన్ లో ఈసినిమా ఊహించినట్లుగానే చాలా గ్రాండ్ గా విడుదలైంది. ఈ సినిమా విడుదలవుతున్న సందర్భంగా దర్శకుడు రాజమౌళి అక్కడ కూడా రెగ్యులర్ సినిమాల తరహాలో ప్రమోషన్స్ చేయడం విశేషం. అందుకోసం ప్రత్యేకంగా రామ్ చరణ్ జూనియర్ ఎన్టీఆర్ కూడా వెళ్లడం హాట్ టాపిక్ గా నిలిచింది. వారి ఫ్యామిలీ కూడా అక్కడ ఆడియన్స్ ని ఎంతగానో ఎట్రాక్ట్ చేసింది. జపనీస్ భాషలో తారక్ మాట్లాడి జపనీయుల మనసు దోచుకున్నాడు.

టాప్ 10లో RRR మూవీ..

ఇక జపాన్ లో RRR సినిమా మొదటిరోజు మంచి ఓపెనింగ్స్ అందుకుంది. ఆ తర్వాత పాజిటివ్ టాక్ రావడంతో మంచి కలెక్షన్స్ తో దూసుకుపోతోంది. అయితే జపాన్ లో RRR సినిమా వారం వారానికి తన పరిధి పెంచుకుంటూ పోతోంది. ఈ వారాంతంలో జపాన్ బాక్సాఫీస్ వద్ద RRR సినిమా 10వ స్థానంలో ట్రెండ్ అవుతూ ఆశ్చర్యపరిచింది. ఎవరూ ఊహించని విధంగా ఎంతో నిలకడగా ప్రదర్శించబడుతోంది ఈ సినిమా. గత వారం కలెక్షన్స్ కంటే ఈ వారం కలెక్షన్స్ ఎక్కువగా ఉన్నాయి. అంటే RRR మూవీ లాంగ్ రన్ కొనసాగిస్తూ దూసుకుపోతుందన్నమాట.

124.4 శాతంగా పెరిగిన ఆక్యుపెన్సీ..

జపాన్ బాక్సాఫీస్ వద్ద RRR సినిమా 2 మిలియన్న మార్క్ ను అధిగమించి సత్తా చాటుతోంది. అలాగే ఈ వారం కేవలం శుక్రవారం నుంచి ఆదివారం మధ్య గత వారంతో పోల్చుకుంటే 124.4 శాతం ఎక్కువగా ఆక్యుపెన్సీ నమోదు అయింది. గతం వారం 9057 మంది చూడగా ఈవారం ఏకంగా 24889 మంది RRR సినిమాను వీక్షించారు. అలాగే వంద ఐమాక్స్ స్క్రీన్లలో ఈ సినిమాను ప్రదర్శిస్తున్నారట. అంతకుముందు వారం 50 ఐమాక్స్ స్క్రీన్లలో షో రన్ చేశారని సమాచారం. ఇక RRR జపాన్ బాక్సాఫీస్ 31 రోజుల కలెక్షన్స్ 280 మిలియన్ యేన్స్ సాధించినట్లు టాక్.