Don't Miss!
- News పురందేశ్వరికి చెక్ పెడుతోందెవరు - చంద్రబాబు ఎటువైపు..!?
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Automobiles టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Finance CRAMC IPO: త్వరలో కెనరా రోబెకో అసెట్ మేనేజ్మెంట్ కంపెనీ ఐపీఓ..!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
సూపర్ స్టార్కి గాయాలు.. ఆందోళన చెందుతున్న అభిమానులు.. వైద్యులు ఏమన్నారంటే
Recommended Video
తమిళ్ సూపర్ స్టార్ రజినీకాంత్ అనుకోకుండా గాయాల పాలవడం ఆయన అభిమానులను కలవరపెడుతోంది. ఎప్పుడూ సినిమా షూటింగ్స్ చేస్తూ బిజీగా ఉండే రజినీకాంత్.. ఇప్పుడు ఓ టీవీ షో కోసం రిస్క్ చేస్తున్నారు. కర్ణాటకలో ఈ అడ్వెంచర్ షో షూటింగ్ జరుగుతుండగా రజినీకాంత్ గాయపడ్డారు. ఇంతకీ ఈ ప్రమాదం ఎలా జరిగింది? రజినీ గాయాలపై వైద్యులు ఏమన్నారు? వివరాల్లోకి పోతే..
బందీపూర్ అటవీప్రాంతం.. షూటింగ్ మొదలు
డిస్కవరీ ఛానల్లో ప్రసారం అయ్యే 'మ్యాన్ వర్సెస్ వైల్డ్' అనే పాపులర్ అడ్వెంచర్ షోలో ఈ సారి తమిళ సూపర్ స్టార్ రజనీకాంత్ కనిపించనున్నారు. అయితే ఈ ఏడాదికి గాను షో షూటింగ్ కోసం సౌత్ ఇండియన్ స్టేట్ కర్ణాటకకు వచ్చేసింది టీమ్. ఆ రాష్ట్రంలోని బందీపూర్ అటవీప్రాంతంలో ఈ డాక్యుమెంటరీ షూటింగ్ మొదలుపెట్టారు.
సాహసవీరుడు బేర్ గ్రిల్స్తో రజినీ
జనవరి 28 మొదలుకొని 30వ తేదీ వరకు ఈ షూట్ జరగనుంది. ఈ కార్యక్రమం కోసం బ్రిటన్ దేశానికి చెందిన సాహసవీరుడు బేర్ గ్రిల్స్ కర్ణాటక చేరుకొని రజినీకాంత్తో పాటు షూటింగ్లో పాల్గొంటున్నారు. రోజూ ఆరు గంటల పాటు మాత్రమే షూటింగ్ను నిర్వహించాల్సి ఉంటుందని కర్ణాటక అటవీ మంత్రిత్వ శాఖ అధికారులు ఆదేశాలు జారీ చేశారు.
అదుపుతప్పిన రజినీకాంత్.. గాయాలు
అయితే ఈ ‘మ్యాన్ వర్సెస్ వైల్డ్' షూటింగ్లో పాల్గొన్న రజినీకాంత్ అదుపుతప్పి కిందపడ్డారని, దీంతో ఆయన చేతికి, కాలికి గాయాలయ్యాయని తెలిసింది. కర్ణాటకలోని బందిపూర్ టైగర్ రిజర్వ్లో షూట్ జరుగుతుండగా ఈ ప్రమాదం చోటు చేసుకుంది. దీంతో వెంటనే ఆ షూటింగ్ నిలిపివేయడం జరిగింది.
గాయం తీవ్రత.. అభిమానుల ఆందోళన
గాయం తీవ్రత ఎక్కువగా లేదని, రజినీకి స్వల్ప గాయాలే అయ్యాయని అని వైద్యులు తెలిపారు. దాంతో ఉన్నపలంగా ఆయన షూటింగ్కు ప్యాకప్ చెప్పి చెన్నై వెళ్లారు. మరోవైపు తమ అభిమాన హీరో రజినీకి గాయాలయ్యాయని తెలిసి ఆయన అభిమానులు ఆందోళన చెందుతున్నారు.
ఎలా బతకగలగాలో చూపిస్తూ.. అదే ప్రత్యేకత
మేన్ వర్సెస్ వైల్డ్ కార్యక్రమంలో బేర్ డ్రిల్స్తో పాటు ఓ సెలబ్రిటీ అడవులు, నదులు, కొండల్లో తిరుగుతూ సాహసాలు చేస్తుంటాడు. ఎలాంటి సదుపాయాలూ, ఆహారమూ లేకపోయినా అడవుల్లో, ఎడారుల్లో ఎలా బతకగలగాలో చూపిస్తుంటాడు. అందులో భాగంగా ప్రకృతిలో ఎదురయ్యే సమస్యల్ని ఎలా ఎదురించాలో వివరిస్తాడు. అందుకే ఈ షోకి మంచి ఆదరణ లభిస్తోంది. గతేడాది ఇదే షోలో భారత ప్రధాని నరేంద్ర మోడీ పాల్గొన్నారు.