హోమ్

లేటేస్ట్ న్యూస్

రాజుగారిగ‌ది, రాజుగారిగ‌ది 2 చిత్రాల త‌ర్వాత ఈ సీరిస్‌లో వస్తున్న మరో చిత్రం రాజుగారి గది 3. ఓంకార్ ద‌ర్శ‌క‌త్వం వహిస్తున్న ఈ చిత్రంలో అశ్విన్‌బాబు, అవికాగోర్ ప్ర‌ధాన పాత్ర‌ల్లో న‌టిస్తున్నారు. షూటింగ్ పూర్తి చేసుకున్న ఈ మూవీ దసరా సందర్భంగా ప్రేక్షకుల ముందుకు తెచ్చేందుకు ప్లాన్ చేస్తున్నారు.

సినిమా ప్రమోషన్లో భాగంగా తాజాగా 'రాజుగారి గది 3' ట్రైలర్ విడుదలైంది. యక్షిణి అనే దెయ్యం చుట్టూ కథ తిరుగుతుందని తెలస్తోంది. సినిమాలో హారర్ ఏ స్థాయిలో ఉంటుందో ట్రైలర్ ద్వారా చెప్పే ప్రయత్నం చేశారు. ప్రేక్షకులు నరాలు బిగబట్టి చూసేలా థ్రిల్లింగ్ సీన్లు ఈ చిత్రంలో ఉన్నట్లు ట్రైలర్లో స్పష్టమవుతోంది. ఓక్ ఎంట‌ర్‌టైన్‌మెంట్స్ బేనర్లో ఓంకార్ స్వయంగా ఈ చిత్రాన్ని నిర్మిస్తున్నారు.

ఇటీవల ఓ కార్యక్రమంలో ఈ సినిమా గురించి ఓంకార్ మాట్లాడుతూ... రాజుగారిగ‌ది,రాజుగారిగది 2చిత్రాల కంటే ఈ సినిమా క‌చ్చితంగా పెద్ద హిట్ అవుతుంద‌నే న‌మ్మ‌కం ఉంది. ఈ సినిమాకు ఛోటాగారు, గౌతంరాజుగారు, మ్యూజిక్ డైరెక్ట‌ర్ ష‌బీర్ స‌హా ఇత‌ర టెక్నీషియ‌న్స్ అలాగే అశ్విన్‌, అవికా, అలీగారు, బ్ర‌హ్మాజీగారు, ఊర్వ‌శిగారు ఇలా అంద‌రూ వారి సొంత సినిమాగా భావించి చేయ‌డం వ‌ల్ల సినిమా చాలా బాగా వ‌చ్చింది అన్నారు.

ఈ చిత్రంలో అవికాగోర్‌, అశ్విన్ బాబు, అలీ, బ్ర‌హ్మాజీ, ప్ర‌భాస్ శ్రీను, హ‌రితేజ‌, అజ‌య్ ఘోష్‌, ఊర్వ‌శి త‌దిత‌రులు నటిస్తున్నారు. ద‌ర్శ‌క‌త్వం: ఓంకార్‌, బ్యాన‌ర్‌: ఓక్ ఎంట‌ర్‌టైన్‌మెంట్స్‌, ఎగ్జిక్యూటివ్ ప్రొడ్యూస‌ర్‌: క‌ల్యాణి చ‌క్ర‌వ‌ర్తి, సినిమాటోగ్ర‌ఫీ: ఛోటా కె.నాయుడు, ఎడిట‌ర్‌: గౌతంరాజు, ప్రొడ‌క్ష‌న్ డిజైన‌ర్‌: సాహి సురేశ్‌, డైలాగ్స్‌: సాయిమాధ‌వ్ బుర్రా, పాటలు: శ్రీమ‌ణి, ఆడియోగ్ర‌ఫీ: రాధాకృష్ణ‌, స్టంట్స్‌: వెంక‌ట్‌.